ބުރުގާ އަޅަން ރާފިޔަތު ތައްޔާރު! ލަވަކިޔުން ހުއްޓާލާނެތަ؟

ފޮޓޯތަކުން ތިޔަ ފެންނަ މަޝްހޫރު ލަވަކިޔުންތެރިޔާ ރާފިޔަތު ރަމީޒާގެ އުމުރަކީ ކޮބައިކަން ބުނަން އެނގިދާނެ ހެއްޔެވެ؟ އެއީ އެހާ ފަސޭހަކަމެއް ނޫންކަން އަޅުގަނޑުމެންނަށް ވެސް އެނގެ އެވެ. ރާފިޔަތަކީ އޭނާގެ ސިފައަކަށް ބަދަލެއް އައުމެއް ނެތް އަދި އެ ޓްރޭޑްމާކް އަޑަކަށް ވެސް ބަދަލެއް އައުމެއް ނެތް ފަންނާނެކެވެ.

އަންނަ މާޗް މަހު މި ކުޅަދާނަ ލަވަކިޔުންތެރިޔާ ފާހަގަކުރާނީ އޭނާގެ 40 ވަނަ އުފަންދުވަހެވެ. ފަހަރެއްގައި 40 ވަނަ އުފަން ދުވަހަކީ ރާފިޔަތުގެ ހަޔާތަށް ބޮޑު ބަދަލުތަކެއް އައިސްފާނެ ދުވަހެކެވެ. މި އިންޓަވިއުގައި އޭނާ ބުނެފައި ވަނީ ނިކަން ކައިރި މުސްތަގުބަލެއްގައި ބުރުގާ އަޅައިގެން ހުއްޓާ ވެސް ފެނިދާނެ ކަމަށެވެ.

އަނެއްކާ ލަވަކިޔުން ވެސް ހުއްޓާލަނީތޯ އެވެ؟ އެއެއް ބަލައިލުމަށް ޖެހޭނީ އިންޓަވިއު ފެށިގެން ނިމެންދެން ކިޔާލާށެވެ.

ދިވެހި ލަވައިގެ ރަން ޒަމާނުގައި އޭގެ ތަހުތު ބެލެހެއްޓި "ރަމީޒު" އާއިލާ އަށް ނިސްބަތްވާ ރާފިޔަތަކީ އެ އާއިލާ އިން މިއަދާ ހަމަ އަށް މެދުނުކެނޑި ހުރި ހަމައެކަނި އަޑެވެ. ހަމައެކަނި ހިތްގައިމުކަމެވެ. ބޭބެ އަދި މަޝްހޫރު ލަވަކިޔުންތެރިޔާ އަލީ ރަމީޒު އާއި އިބްރާހިމް ރަމީޒު ވެސް ލަވަކިޔުން ހުއްޓާލުމަށް ފަހު އެ ދުނިޔެ އަށް އަލްވަދާއުކީ އެވެ.

އެއަށް ފަހު އަބަދުވެސް މީހުން ކުރާ ސުވާލަކަށް ވެފައި އޮތީ މި ސުވާލެވެ. ރާފިޔަތު ރަމީޒާ ލަވައިގެ ދުނިޔެ އަށް ޓާޓާކިޔާނީ ކޮން އިރަކުންތޯއެވެ؟ މި އިންޓަވިއުގައި އޭނާ ވަނީ މި ސުވާލަށް އަދި ލަވަ އާއި މިއުޒިކާ ގުޅޭ މިފަދަ ޝައުގުވެރިވަނި އެތައް ސުވާލަކަށް ވެސް ޖަވާބު ދީފަ އެވެ.

އެހެންވީމަ މިހައި ހިސާބުން "އަވަސް ވީކެންޑް" ގެ މި އިންޓަވިއު އަށް ޖެހިލަމާ ހިނގާށެވެ.

"ސޯލޯ އަލްބަމްގެ މަސައްކަތް މިދިޔަ ދުވަސްތަކުގައި އޮތީ މެދުކެނޑިފައި. ގާތްގަނޑަކަށް އަހަރެއްވަރު. މެދުކެނޑިފައި އޮވެފައި މިހާރު އަނެއްކާވެސް އަލުން އަލްބަމްގެ މަސައްކަތް ކުރަމުން ދަނީ. އިރާދަކުރެއްވިއްޔާ މި އަހަރު ނިމުމުގެ ކުރިން ސޯލޯ އަލްބަމެއް އަޅުގަނޑުގެ ސަޕޯޓަރުންނާ ހަމަ އަށް ގެނެސްދެވޭނެ. ވަރަށް ފޯރިއާ އެކު މަސައްކަތްކުރަމުން މި ދަނީ."

"އަޅުގަނޑުގެ ކެރިއަރު މި ފެށުނީ ސްކޫލް ދައުރުން. އޭރުގެ ކޮމްޕެޓިޝަން އޮންނައިރުގަ އޭރު ނަގާނީ ކްލެސިކް ވަރަށް ލަސް ލަވަ. އެގޮތަށް އެފަދަ ލަވަތަކެއް ނެގިފަ ހުރީމަ މިހާރު ވެސް ޑައިރެކްޓަރުންނަށް އަދި ޕްރޮޑިއުސަރުންނަށް ވެސް ކަމުދަނީކަން ނޭނގެ އެ ވައްތަރުގެ ލަވަތައް އަޅުގަނޑު ލައްވާ ކިޔުއްވަން. އެކަމަކު މިހާރު ދެން ކޮންމެވެސް ވަރަކަށް ހުންނާނެ އަވަސް ލަވަތައް ވެސް ރިކޯޑްކުރެވިފައި."

"ލަސް ހިތާމަވެރި ލަވަތައް އެގޮތަށް އާންމުކޮށް ކީފައި ހުރީ ވަކި ކަމަކާ ގުޅިގެނެއް ނޫން. ލަސް ލަވަތައް ގިނައިން ލިބިފައި ހުރީމަ ކިޔެނީ."

"ނޫން. އެހެން ސްޓައިލްގެ ލަވަތައް ވެސް ފުދޭވަރަކަށް ކިޔަން. އެކަމަކު ޕާފޯމް ކުރަން އަޅުގަނޑަށް ބޮޑަށް ފަސޭހައީ ވެސް ލަސް ހިތާމަވެރި ލަވަތައް. އެއީ ލިރިކްސް އަށް ބޮޑަށް ވިސްނެނީ ލަސް އެއްޗިއްސަށް ކަމަށްވާތިވެހެން ހީވަނީ. ލަސް ލަވައެއް ނަމަ މިހާރު ވެސް މާ ފީލްގަ ކިޔާލެވޭ އެ ލަވައެއް. އެއީ ޝޯއަކަށް އަދި ރިކޯޑްކުރުމަށް ވިޔަސް."

"އެއް ވަރެއްގައި ހިފަހައްޓާކަށް އެއްވެސް މަސައްކަތެއް އަސްލު ނުކުރެވޭ. ނޭނގޭ. އެކަމަކު ކުރީގެ ލަވަތައް މިހާރު އަޑުއިވުނީމަ އަޅުގަނޑަށް ފާހަގަކުރެވޭ ކޮންމެވެސް ކަހަލަ ތަފާތެއް. ވަރަށް ގިނަ މީހުން ބުނޭ އަޑަކަށް ބަދަލެއް ނާދެއޭ. އެކަމަކު އަޑު އެއްވަރެއްގައި ބަހައްޓާކަށް އެއްވެސް ކަމެއް ނުކުރަން. މިހާތަނަކަށް އަޅުގަނޑު އެއްވެސް ޓްރެއިނިންއެއްޗެއް ވެސް ނަހަދަން."

"މިހާރު މި ލިބިފައި ހުރި މަގާމު ގެއްލިދާނެތީއޭ ކިޔާފައި ވަކި ކަމެއް ކުރާކަށް އަޅުގަނޑު މަސައްކަތެއް ނުކުރަން. އަންނާނެ އެކި ޖެނެރޭޝަންތައް. އެއް ބަޔަކު އަބަދަކު ނުތިބޭނެ ލަވަކިޔާކަށް ވެސް. އަޅުގަނޑަށް ވުރެ ކުރިން ލަވަކިޔައި އުޅުނު ގިނަ މީހުން ވެސް މިހާރު ނުފެނެއޭ ދަންނަވާނީ. އަޅުގަނޑު ވެސް ކޮންމެވެސް ދުވަހަކުން ފަސްޖެހިދާނެއޭ ދަންނަވާނީ."

"އަބަދު އެއްވަރެއްގައި ނުހިފެހެއްޓޭނެ. އެކަމަކު މިހިސާބުން ވަކި އެހެން ކަމަކަށް އަޅުގަނޑުގެ އިންޓްރެސްޓެއް ނެތް. ދެ ކުދިންގެ ފިއުޗާ ލައިފަށް ވިސްނަނީ."

"އަޅުގަނޑަށް ހީވަނީ އެއީ ކޮންމެ މީހެއްގެ ވެސް ހުންނަ ޓެލެންޓެއްހެން. ދެން އަޅުގަނޑު މި ދާއިރާ އަށް ނުކުންނަން ހިތްޖެހުނީ ފެމިލީގެ ފަރާތުންނޭ އަޅުގަނޑު ދަންނަވާނީ. އޭރު ބޭބެމެންނާއި ދައްތަމެން ވެސް މި ދާއިރާގައި އުޅޭތީވެ ބޮޑަށް އަޅުގަނޑު ވެސް ނުކުންނަން ބޭނުންވީ."

"އަޅުގަނޑަކީ ސްކޫލް ދައުރު ނިމުނީއްސުރެވެސް ޖޮބް އަދާކުރި މީހެއް. އެގޮތުން ލޯ ފާމެއްގައި، ދެ ލޯޔަރުން ގާތު މަސައްކަތްކުރިން. އެއިޓް ވަރަކަށް އިޔާސް އެގޮތަށް މަސައްކަތްކުރިން. ފުރަތަމަ ދަރިފުޅު ލިބެންދެން އެގޮތުގައި ވަޒީފާ އަށް ދިޔައިން."

"އާމްދަނީއެއް ހޯދަން ލަވަކިޔުމަކީ އަޅުގަނޑު ބުނާނީ ބައެއް މީހުން ދެކޭ ގޮތުގައި ރަނގަޅު ކަމެއް. އެކަމަކު އަޅުގަނޑު މިކަން ކުރަނީ ކުރާ ހިތުން ހޮބީއެއްގެ ގޮތުގައި."

"ކުދިން ލިބުނީމަ އަޅުގަނޑު ބޭނުން ނުވީ ކުދިން ދޫކޮށްލާފަ ޖޮބަކަށް ދާން. އަޅުގަނޑު ދެކޭ ގޮތުން، އަޅުގަނޑު ގަބޫލުކުރާ ގޮތުގައި ކުއްޖަކު ލިބުނީމަ މަންމަ އަކަށް ދެން އެއީ، ދަރިއަކު ބެލުން އެއީ އެންމެ ބޮޑު ޖޮބް ކަމަށް. އެންމެ ޒިންމާދާރު އެންމެ ރަނގަޅު ވަޒީފާ ކަމަށް އަޅުގަނޑު ގަބޫލުކުރަނީ. ކުއްޖަކު ލިބުނީމަ ބޭނުން ނުވީ ދެން ވަޒީފާއެއް އަދާކުރަން."

"ކުރީގަ އަޅުގަނޑު ފަށައިގަތްއިރަކު އަމިއްލަ ރާގު އެއްގޮތަކަށް ވެސް ނެތޭ ބުންޏަސް ރަނގަޅުވާނެ. ދެން އޭރު މުޅިން ވެސް ކޮޕީ ރާގުތައް އަޑުއަހަމުން ކޮޕީ ރާގުތައް ކިޔަނީ. ދެން މަޑުމަޑުން އަންނަމުން އަންނަމުން އައިސް އަމިއްލަ ރާގުތައް ގިނަވީމަ އަޅުގަނޑު ވެސް މިހާރު އެންމެ ބޮޑު އިސްކަމެއް ދެނީ އަމިއްލަ ރާގަށް."

"ވަރަށް އުނދަގޫ ސުވާލެއް ތިއީ. ކޮންމެހެން އުނޫޝާ އާއި މީރާވީމަކާއެއް ވެސް ނޫން. އެއްވެސް ކުދިންތަކެއް އެގޮތަށް އަޅާކިޔުމަކީ އަޅުގަނޑަށް ވަރަށް އުނދަގޫކަމެއް. އެހެންވީމަ އެހެން ނޭނގޭ އަސްލު ބުނާކަށެއް ކާކުއޭ މޮޅީ."

"މިހާރު މި ލިބިފައި ހުރި މަގާމު ގެއްލިދާނެތީއޭ ކިޔާފައި ވަކި ކަމެއް ކުރާކަށް އަޅުގަނޑު މަސައްކަތެއް ނުކުރަން. އަންނާނެ އެކި ޖެނެރޭޝަންތައް. އެއް ބަޔަކު އަބަދަކު ނުތިބޭނެ ލަވަކިޔާކަށް ވެސް. އަޅުގަނޑަށް ވުރެ ކުރިން ލަވަކިޔައި އުޅުނު ގިނަ މީހުން ވެސް މިހާރު ނުފެނެއޭ ދަންނަވާނީ. އަޅުގަނޑު ވެސް ކޮންމެވެސް ދުވަހަކުން ފަސްޖެހިދާނެއޭ ދަންނަވާނީ."

"އަބަދު އެއްވަރެއްގައި ނުހިފެހެއްޓޭނެ. އެކަމަކު މިހިސާބުން ވަކި އެހެން ކަމަކަށް އަޅުގަނޑުގެ އިންޓްރެސްޓެއް ނެތް. ދެ ކުދިންގެ ފިއުޗާ ލައިފަށް ވިސްނަނީ."

"ހަށިގަނޑު އެއްވަރެއްގައި ހިފެހެއްޓުމަށް މަސައްކަތެއް ނުކުރެވޭ އަޅުގަނޑަކަށް. ދެން އަޅުގަނޑަކީ އެއް އިރެއްގައި ވެސް އެހާ ގިނައިން ކެވޭ މީހެއް ވެސް ނޫން. ވަރަށް ލިމިޓެޑްކޮށް ކެވޭނީ. އާންމުކޮށް ހަވާދު ނުވަތަ ތެޔޮ އެއްޗެހި ވެސް ނުކެވޭނެ. އެހެންވީމަކަން ނޭނގެ. އެކަމަކު ވަކި ހާއްސަކަމެއް ނުކުރަން."

"އެއް ދުވަސްކޮޅެއްގައި ފަލަވި. ފުރަތަމަ ބޭބީ ލިބިގެން ހަށިގަނޑަށް ބައިވަރު ބޮޑެތި ބަަދަލުތަކެއް އައި. އެކަމަކު ވަކި ހިސާބަކުން ނޯމަލް ސައިޒަށް ދިޔައީ. އަޅުގަނޑަކީ އާންމުކޮށް ވެސް ރޭނގަނޑު ގަދަ އަށް ނުކާ މީހެއް. ކެއުމާއިގެން އެހާ ފޯރީގައި އުޅެވޭ މީހެއް ނޫން."

"އަޅުގަނޑަކީ އެންމެ ކުޑައިރުއްސުރެން ފެށިގެން ވެސް އަތްދިގުކޮށް ނޫނީ ހެދުން ނާޅާ މީހެއް. އަތް ކުރު އެއްޗެހި ހަމަ އެއްގޮތަކަށް ވެސް ލާހިތެއް ނުވޭ. ބޭނުންވެގެން އެގޮތަށް ބަދަލުކުރީ. ދެން ހެދުން އެޅުމަކީ އަޅުގަނޑު ވަރަށް ވަރަށް ބޮޑު ސަމާލުކަމެއް ދޭ ކަމެއް. ހާއްސަކޮށް ޝޯއެއްގައި ޕާފޯމްކުރުމަށް މީހުންގެ ކުރިމައްޗަށް އަރާއިރު."

"އަޅުގަނޑުމެން ދެ މީހުންގެ މިޒާޖު ވަރަށް އެއްގޮތްވާނެ. ދެ މީހުންގެ ފްރިކުއެންސީ ވަރަށް ދިމާވާނެ. ވަރަށް މަޖާ މިޒާޖެއްގެ ދެ މީހުން ދެ މީހުންނަކީ."

"ލަވަކިޔުން ހުއްޓާލަން އަޅުގަނޑުގެ ހިތުގައި އަބަދުވެސް އޮންނަނީ އަޅުގަނޑަށް ފެނިގެން އެކަން ހުއްޓާލަން. އެހެންވީމަ އަދިވެސް އަޅުގަނޑު އަމިއްލަ އަށް އެކަން ހުއްޓާލަން ނުފެންނާތީވެ އަދިވެސް ލަވަކިޔަނީ."

"ދެން ބުރުގާ އެޅުމަކީ އަބަދުވެސް ހިތުގައި އޮންނަ ކަމެއް. ވަރަށް ކައިރި މުސްތަގުބަލެއްގައި ވެސް ބުރުގާ އަޅައިގެން ހުއްޓާ ހަމަ ފެނިދާނެ."

"ބުރުގާ އަޅަންޏާމު އަޅުގަނޑު ބުރުގާ އަޅާނީ އަޅަން އޮންނަ ހަމަ އެންމެ ރަނގަޅު ގޮތަށް. މިހާރު ދެން ފެނޭ ވަރަށް ތަފާތު ގޮތްގޮތަށް މީހުން ބުރުގާ އަޅައިގެން އުޅޭތަން. ބައެއް ކުދިން ފެނުނީމަ ދެރަވެސް ވޭ. ބުރުގާ އަޅަން ނުވާ ކަހަލަ ގޮތްތަކަށް ބުރުގާ އަޅައިގެން އުޅޭތަން ވެސް ފެނޭ. އަޅުގަނޑު ހަމަގައިމު ވެސް ބުރުގާ އަޅާ ނަމަ އަޅާނީ ބުރުގާ އަޅަން އޮންނަ އެންމެ ރަނގަޅު ގޮތަކަށް."

"ލަވަކިޔުން ހުއްޓާލާކަށް މާ ބޮޑެތި މާ ހަރުކަށި ބާރުތަކެއް އަޅުގަނޑަށް ނާދެއޭ އަޅުގަނޑު ބުނާނީ. އެހެން ނަމަވެސް ވަރަށް ގިނަ އިންޓަވިއުތަކުގައި އަންނަ ސުވާލެއް ތިއީ. ވަކި މީހަކު ބުނޭހޭ ލަވަނުކިޔާށޭ. ބުރުގާ އަޅާށޭ. މި ފުރުސަތުގައި އަޅުގަނޑު ހަމަ ބުނެލަން ބޭނުން އަޅުގަނޑުގެ ފެމިލީގެ ނުވަ މެމްބަރުންނަކީ ހަމަ ވަރަށް އެއްބަނޑުއެއްބަފާވަންތަ ލޯބިން ވަރަށް އެކުގައި އުޅޭ ނުވަ ކުދިން. އެހެންވީމަ ފެމިލީގެ ތެރޭގައި އެކަކު އަނެކަކު ކުރާ ކަމަކާ ބެހި ނަހަދާނެ."

"އެހާ ވެސް އެކުގައި އުޅެނީ. އެހެންވީމަ ވަކި މީހަކު ކުރާ ކަމެއް އެގޮތަށް ނުކުރާށޭ ކިޔާފައި އެ އެއްޗެއް ނާދޭ."

"ލަވަކިޔުމަކީ އަޅުގަނޑަށް އަދި، އަޅުގަނޑަށް ގަބޫލުކުރެވޭ ގޮތުގައި ރަނގަޅު ގޮތަށް ކޮށްފިއްޔާމު ހަމަ ރަނގަޅު ކަމެއް. ކޮންމެ ކަމެއް ވެސް ރަނގަޅު ގޮތުގައި ކޮށްފިއްޔާމު ރަނގަޅުވާނެއޭ އަޅުގަނޑު ދަންނަވާނީ. ލަވަކިޔުމަކީ ގޯސްކަމެކޭ އެގޮތަކަށް އަޅުގަނޑަކަށް އަދި ގަބޫލެއް ނުކުރެވޭ."

"އަޅުގަނޑު ލަވަކިޔުން ހުއްޓާލާނީ އެއީ ގޯސް ކަމެއް ކަމަށް އަޅުގަނޑަށް އަމިއްލަ އަށް ފެނިގެން، ގަބޫލުކުރެވިގެން އެ ދުވަހަކުން."

"އައްޔަ އަޅުގަނޑު ސިފަކުރާނީ، އައްޔަ އަކީ އަބަދުވެސް ވަރަށް ތެދުވެރި، ވަރަށް އީމާންތެރި ވަރަށް ރަނގަޅު، ކައިންޑް މީހެއް. ފެމިލީތެރޭގައި ވެސް އަދި ރައްޓެހިންނަށް ވެސް. ބޭބެއެއްގެ ގޮތުގައި ސިފަކުރާ ނަމަ ބުނެވޭނީ އެއީ ބައްޕައެއް ކަހަލަ ބޭބެއެކޭ. ލިބޭ ކޮންމެ ހިތާމައެއްގައި ވެސް އަދި އުފަލެއްގައި ވެސް އެންމެ ގާތުން ބޭބެމެންނާއި ދައްތަމެން ފާހަގަކުރަން. ހާއްސަކޮށް ބޭބެމެން."

"ކުރީގެ ލަވަކިޔުންތެރިއެއްގެ ގޮތުގައި އަދި ލަވަކިޔުމުގެ ގޮތުން ބަލާ ނަމަ އަދި މިހާތަނަށް ބޭބެ ވަރުގެ ލަވަކިޔުންތެރިޔަކު ނާދެއޭ ބުނެވޭނީ."

"އަޅުގަނޑު ދަންނަވާނީ ދެ މީހުންނަކީ ވެސް ބޯން ޓެލެންޓެޑް ދެ މީހުންނޭ. ދެ މީހުންގެ ގޮތުގައި ވަރަށް މޮޅު ދެ މީހުންނޭ. މިހާރަށް އަޅުގަނޑު ތޭރަ ފާހަގަކޮށްލަން ހުރިހާ ލަވަކިޔުންތެރިންގެ ތެރެއިން ވެސް."

"އަޅުގަނޑު ދަންނަވާނީ މޯލްޑިވިއަން އައިޑޮލް ދަނީ ވަރަށް ވެސް ރަނގަޅަށޭ. ވަރަށް ޓެލެންޓެޑް ކުދިން ވެސް އެބަފެނޭ. އަޅުގަނޑަށް ހީވަނީ އެލިމިނޭޝަންއާ ހިސާބުން ވަރަށް ފޯރިގަދަވާނެހެން. ޖަޖިންއާ ދޭތެރޭގައި އެއްޗެއް ބުނާ ނަމަ ބުނެވޭނީ އެތަނުގައި ތިބި ތިން ޖަޖުންނަކީ ވެސް ތިން ކެރެކްޓާއޭ. އުނޫޝާ ވެސް އެންމެ ބެސްޓް އެ ދެނީ. އައްމަޑޭ ވެސް އަދި އިއްބެ ވެސް. އެހެންވީމަ ނެތް މާ ބޮޑު ފާޑުކިޔުމެއް. ބަރާބަރަށް ދަނީ."