މާލެ، ވޯޓާ އެންޑް ސުވަރޭޖު ކޮމްޕެނީ (އެމްޑަބްލިއުއެސްސީ) އިން ރާއްޖޭގެ ގިނަ ރަށެއްގައި ފެނާއި ނަރުދަމާގެ މަޝްރޫއު ހިންގަމުންދާ ކަމަށް ބުނެފި އެވެ.
އެމްޑަބްލިއުއެސްސީ އިން ބުނީ ވޭތުވެދިޔަ ތިން އަހަރު ތެރޭ އެމްޑަބްލިއުއެސްސީން 31 ރަށެއްގައި ފެނާއި ނަރުދަމާގެ ނިޒާމް ގާއިމް ކުރުމުގެ މަޝްރޫއުގެ މަސައްކަތް ހިންގަމުންދާ ކަމަށް ބުނެފި އެވެ.
އެ ކުންފުނިން ބުނީ ފެނާއި ނަރުދަމާގެ މަސައްކަތްތައް އެ ކުންފުނިން ކުރަމުން ގެންދަނީ އެކި ރަށްތަކަަށް ބެލުމެއް ނެތި ކަމަށެވެ. އަދި މިއީ މި އަދަދަކަށް އެއް ފަހަރާ މިހާ ގިނަ އަދަދެއްގެ ޕްރޮޖެކްޓް ކުރިއަށް ގެންދާ ފުރަތަމަ ފަހަރު ކަމަށެވެ.
އެމްޑަބްލިއުއެސްސީގެ މަޝްރޫއުތައް
- 23 ރަށެއްގައި ފެނާއި ނަރުދަމާ
- ހަ ރަށެއްގައި ފެނުގެ ނިޒާމު
- ދެ ރަށެއްގައި ނަރުދަމާ
އެމްޑަބްލިއުއެސްސީ އިން މިހާ ގިނަ މަޝްރޫއުތައް ކުރި އަށްދާއިރު ބައެއް މަޝްރޫއުތައް ނިމިފައިވާ ކަމަށެވެ. ގިނަ އަދަދެއްގެ ޕްރޮޖެކްޓްތަކެއްގެ އަމަލީ މަސައްކަތް ކުރަމުންދާއިރު ބޮޑެތި ބައެއް ޕްރޮޖެކްޓްތައް ނިމިފައިވާ ކަމަށް ވެސް އެ ކުންފުނިން ބުނެފައިވެ އެވެ.
ނިމިފައިވާ މަޝްރޫއުތައް
- އއ. ރަސްދޫ ފެނުގެ ނިޒާމް
- ޅ. ކުރެންދޫ ނަރުދަމާ
ފެން ކުންފުނިން ބުނީ މިހާރު ނިމިފައިވާ މަޝްރޫއުތަކުގެ ސަބަބުން 3000 އަށްވުރެ ގިނަ ގެއަށް ބޭނުންވާނެ ފެނާއި ނަރުދަމާގެ ނިޒާމު ގާއިމް ވެގެން ގޮސްފައިވާ ކަމަށެވެ.
އެމްޑަބްލިއުއެސްސީގެ ހިންގުން ހަރުދަނާކޮށް މިހާރު ފަށާފައިވާ މަޝްރޫއުގެ އަގު ދެ ބިލިއަން ރުފިޔާއާ ގާތް ކުރެ އެވެ.