ރައްޔިތުންގެ މަޖިލީހުގެ ރައީސް މުހައްމަދު ނަޝީދު ނުރަސްމީ ދަތުރުފުޅެއްގައި މިއަދު އިނގިރޭސިވިލާތަށް ފުރާވަޑައިގެންފި އެވެ.
ރައީސް ނަޝީދު އިނގިރޭސިވިލާތަށް ކުރައްވާ މި ދަތުރުފުޅަކީ "ހައެއް ފަހެއް" ގެ ހަމަލާގައި އެ މަނިކުފާނަށް ލިބި ވަޑައިގެންނެވި ޒަހަމްތަކުގެ ގެއްލުން އަދިވެސް މުޅީން ރަނގަޅު ނުވާތީ ޑޮކްޓަރަށް ދައްކަވަން ކުރައްވާ ދަތުރުފުޅެކެވެ.
ރައީސް ނަޝީދަށް ދިން ހަމަލާއަށްފަހު ބޭސް ފަރުވާ އަށް ގިނަ ދުވަސްތަކެއް ވަންދެން ޖަރުމަނާއި އިނގިރޭސިވިލާތުގައި ހުންނެވުމަށް ފަހު މާލެ ވަޑައިގަތީ މިދިއަ އޮކްޓޫބަރު މަހުގެ 11 ވަނަ ދުވަހު އެވެ.