އައްޑޫގައި ތަމްރީން ހަދަމުން ދިޔަ ގިނަ އަދަދެެއްގެ ދަރިވަރުންތަކެއް ހާލު ގޯސްވުމާ ގުޅިގެން ހޮސްޕިޓަލްގައި ފަރުވާ ދޭން ފަށައިފި އެވެ.
މިކަން ޔަގީންކޮށްދެމުން ފުލުހުންގެ އިދާރާ އިން ބުނީ ޕޮލިސް ކޮލެޖުގެ ގިނަ ދަރިވަރުންތަކެއް ބަލިވުމާ ގުޅިގެން އައްޑޫ އިކުއިޓޯރިއަލް ހޮސްޕިޓަލްގައި އެޑްމިޓްކޮށްގެން ފަރުވާ ދެމުންދާ ކަމަށެވެ.
ދަރިވަރުންތަކެއް ބަލިވީ ކާނާ ވިހަވެގެން ކަމަށް ބެލެވޭ ކަމަށްވެސް ފުލުހުން ބުނެ އެވެ.
ފަރުވާ ދެމުންދަނީ 32 ދަރިވަރަކަށެވެ. މީގެތެރެއިން އެއްކުއްޖެއްގެ ހާލު ސީރިއަސް ކަމަށާއި އިތުރު ފަސް ކުއްޖަކު އައިސީޔޫގައި އޮތް ކަމަށް ފުލުހުން ބުނެ އެވެ.
އައްޑޫ އިކުއިޓޯރިއަލް ހޮސްޕިޓަލުން ބުނާ ގޮތުގައި ފުލުހުންގެ ދަރިވަރުންތަކެއް ބަލިވުމުން ފަރުވާ ދެނީ އެލާޖީއަކާ ގުޅިގެންނެވެ. އެކަމަކު އެލާޖިކްވީ ވަކި ސަބަބެއް ނުބުނެ އެވެ.