އޯލެވަލް ނިންމާ ދަރިވަރުން ވޮލަންޓިއަރުންގެ ގޮތުގައި ހަޔާ އެޑިޔުކޭޝަން މިނިސްޓްރީގައި މަސައްކަތް ކުރުމަށް ފުރުސަތު ދިނުމަށް ނިންމައިފި އެވެ.
ހަޔާ އެޑިޔުކޭޝަން މިނިސްޓްރީން އޯލެވަލް ނިންމާފައިވާ ކޮންމެ ކުއްޖަކަށްވެސް މިއަދުން ފެށިގެން އެ ފުރުސަތު ހުޅުވާލާފައިވާ ކަމަށެވެ.
މި ފުރުސަތު ދިނުމަށް ހަމަޖެހިފައިވަނީ ތިން މަސް ދުވަހަށެވެ. އެ މުއްދަތުގައި ކުރި މަސައްކަތާ ގުޅޭ ސެޓްފިކެޓެއް ދިނުމަށްވެސް ހަމަޖެހިފައިވެ އެވެ. ތިން މަހަށް ވުރެ ގިނަ ދުވަސް ބޭނުންވާ ކުދިންނަށް އެ ފުރުސަތު ދޭނެ ކަމަށްވެސް ބުންޏެވެ.
މިނިސްޓްރީން ބުނި ގޮތުގައި މި ފުރުސަތު ހުޅުވާލީ ކުދިންނަށް ވަޒީފާއެއް ތަޖުރިބާކުރަން ފުރުސަތު ދިނުމަށާއި މަސައްކަތަށް ޝައުގުވެރިކަން އުފެއްދުމަށް ކަމަށެވެ.
މި ފުރުސަތު ބޭނުންވާ ކުދިން މި ހަފްތާގެ ބުދަ ދުވަހުގެ މެންދުރު 1:30ގެ ކުރިން ކަމާ ގުޅޭ ފޯމު ހުށަހެޅުމަށް ހަޔާ އެޑިޔުކޭޝަން މިނިސްޓްރީން ވަނީ އެދިފަ އެވެ.