ހުޅުމާލޭގެ ދެވަނަ ފިޔަވަހީގައި ހަދާފައިވާ ހިޔާ ޓަވަރަކުން ކުއްޖަކު ވެއްޓި މަރުވެއްޖެ އެވެ.
ހިޔާ ޓަވަރުތަކުގެ ތެރެއިން ފަސްވަނަ ޓަވަރުގެ 13 ވަނަ ފަންގިފިލާ އިން ވެއްޓިފައިވަނީ އުމުރުން 16 އަހަރުގެ ދިވެހި ފިރިހެން ކުއްޖެކެވެ.
ފުލުހުން ބުނީ މި ހާދިސާގެ މައުލޫމާތު ފުލުހުންނަށް ރިޕޯޓްކޮށްފައިވަނީ މިރޭ 1:26 ހާއިރު ކަމަށެވެ.
ކުއްޖާ ހޮސްޕިޓަލަށް ގެންދިޔައިރުވެސް މަރުވެފައިވާ ޑޮކްޓަރުން މައުލޫމާތު ދީފައިވާ ކަމަށްވެސް ފުލުހުން ބުންޏެވެ.
ފުލުުހުން ބުނީ މިމައްސަލަ އިތުރަށް ތަހުގީގު ކުރަމުންދާ ކަމަށެވެ.
ހިޔާ ޓަވަރުން މީގެކުރިންވެސް ބައެއް މީހުން ވެއްޓި މަރުވުމުގެ ހާދިސާތައް ހިނގާފައިވެ އެވެ.