ޔޫރަޕްގެ ބޮޑެތި ކްލަބުތަކަކުން ޝައުގުވެރިވާ ޖަރުމަންގެ ގައުމީ ޓީމުގެ ފޯވަޑް މާކޯ ރޮއިސް ބޮރޫޝިއާ ޑޯޓްމަންޑްގެ ކޮންޓުރެކްޓް އާކޮށްފި އެވެ.
މެންޗެސްޓާ ޔުނައިޓެޑާއި ރެއާލް މެޑްރިޑާއި ބަޔާން މިއުނިކް އަދި އާސެނަލް އިން ރޮައިސް އަށް ޝައުގުވެރިވާ ކަމަށް އަޑު ފެތުރުނު ނަމަވެސް، ރޮއިސް ވަނީ 2019 ވަނަ އަހަރާ ހަމައަށް ޑޯޓްމަންޑްގެ ކޮންޓުރެކްޓް އާކޮށްފަ އެވެ.
"ކޮންޓުރެކްޓް އާކުރެވުނީމަ ވަރަށް އުފާވެއްޖެ،" ރޮއިސް ބުންޏެވެ. "އަހަންނަކީ ޑޯޓްމަންޑަށް ނިސްބަތްވާ މީހެއް. އަހަރެން ހިތްޖެހިފައިވާ ކްލަބަކީ ބޮރޫޝިއާ. އަހަރެން އުންމީދުކުރަނީ ޑޯޓްމަންޑާއެކު ގިނަ ކާމިޔާބުތަކެއް ހޯޑުން."
ބޮރޫޝިއާ މޮންޗެންގްލެޑްބެކް އިން ރޮއިސް ޑޯޓްމަންޑަށް ބަދަލުވީ 2012 ވަނަ އަހަރެވެ. ރޮައިސް ކޮންޓުރެކްޓް އާކުރީ އޭނާ ކުރިން ޑޯޓްމަންޑާއެކު ހަދާއިފައިވާ ކޮންޓުރެކްޓްގައި ބާކީ ދެ އަހަރު އޮއްވަ އެވެ.
ރޮއިސް ވަނީ ބުންޑަސްލީގާގައި ކުޅުނު 169 މެޗުގައި 70 ލަނޑު ޖަހައިފަ އެވެ. ޖަރުމަންގެ ގައުމީ ޓީމަށް ކުޅުނު 23 މެޗުގައި އޭނާ ވަނީ ހަތް ލަނޑު ޖަހައިފަ އެވެ.
ރޮައިސް ކޮންުޓުރެކްޓް އާކުރިއިރު، ލީގުގައި ޑޯޓްމަންޑް މި ވަގުތު އޮތީ ފުލުން ތިން ވަނައިގަ އެވެ. ލީގުގެ ނަތީޖާތައް ދަށްވިޔަސް، ޑޯޓްމަންޑް ވަނީ ޗެމްޕިއަންސް ލީގުގެ ދެވަނަ ބުރުން ޖާގަ ހޯދައިފަ އެވެ. -- ބީބީސީ