ސ. ހިތަދޫގެ ގެއެއްގައި ރޭ އަލިފާނުގެ ހާދިސާ އެއް ހިނގައި ގެއްލުން ވެއްޖެ އެވެ. މި ހާދިސާގައި އެއްވެސް މީހަކަށް ގެއްލުމެއް ނުވެއެވެ.
އެމްއެންޑީއެފުން ބުނީ ހިތަދޫ އަހިވަށްމާގޭގައި އަލިފާން ރޯވެ އަނދަމުންދާ ކަމަށް މައުލޫމާތު ލިބުނީ ރޭ ރޭފަތި 4:15 އެހާކަންހާއިރު ކަމަށާއި އެ މައުލޫމާތު ދެކުނުގެ ސްޓޭޝަނަށް ލިބުމާއެކު ފަޔާމަނުން ހަރަކާތްތެރިވެ ފަތިހު ގާތްގަނޑަކަށް 4:26 އެހާކަންހާއިރު ނިއްވާލާފައިވާ ކަމަށެވެ.
އަލިފާން ނިއްވާލެވުނު ނަމަވެސް އަހިވަށް މާގޭގައި އަލިފާން ރޯވި އެގޭގެ ކޮޓަރިއަކާއި ސިޓިންގ ރޫމްގެ ބޮޑު ބައެއް އަނދައި ބޮޑެތި ގެއްލުންތައް ލިބިފައި ވެއެވެ.
