މަތީ ތައުލީމުގެ ލޯން އެހީގެ ފުރުސަތުގެ ދަށުން ސާކް ގައުމުތަކުން އެމްބީބީއެސް ފުރިހަމަ ކުރަން ލޯން އެހީ ހަމަޖެހިފައިވާ ދަރިވަރުންނަށް ޕްލޭސްމަންޓް ހޯދުމުގައި ދަތި ކުރިމަތިވަމުންދާތީ ސާކް ނޫން ގައުމުތަކުން އެ ލޯނުގެ އަގަށް ކިޔެވޭ ޔުނިވަސިޓީތަކުން ޖާގަ ހޯދުމަކީ މައްސަލައެއް ނޫން ކަމަށް ޑިޕާޓްމަންޓް އޮފް ހަޔާ އެޑިއުކޭޝަން (ޑީއެޗްއީ) އިން ބުނެފި އެވެ.
ހަޔާ އެޑިއުކޭޝަނުން މިއަދު ކުރި އިއުލާނެއްގައި ބުނީ، ސާކްގެ ގައުމުތަކުން ކިޔަވާ ގޮތަށް ލޯނު ހަމަޖެހިފައި ހުރި ކުދިންނަށް ސަރަހައްދުގެ ގައުމުތަކުން ޕްލޭސްމަންޓް ހޯދުމަށް އުނދަގޫވާކަން ފާހަގަވެފައިވާ ކަމަށެވެ. އެހެން ކަމުން ސްރީލަންކާ، ބަންގްލަދޭޝް ނުވަތަ ނޭޕާލްގެ ޔުނިވަރސިޓީތަކާއި ކޮލެޖްތަކުން އެމްބީބީއެސް ފުރިހަމަކުރެވޭ އަގުގައި ނުވަތަ އެއަށްވުރެ ހެޔޮއަގުގައި ކޯސް ފުރިހަމަކުރެވޭނެ ގައުމަކުން ކޯހުގެ ޕްލޭސްމަންޓް ހޯދުން ރަނގަޅުކަމަށެވެ.
ސާކްގައި ނުހިމެނޭ ގައުމަކުން ޕްލޭސްމަންޓް ހޯދާނަމަ، އެ ކޮލެޖް ނުވަތަ ޔުނިވަސޓީ އަކީ މޯލްޑިވްސް މެޑިކަލް އެންޑް ޑެންޓަލް ކައުންސިލް އާއި މޯލްޑިވްސް ކޮލިފިކޭޝަން އޮތޯރިޓީ ގަބޫލުކުރާ ޔުނިވަރސިޓީއެއް ކަން ޔަގީން ކުރަން ޖެހޭނެ ކަމަށް ވެސް އެޑިއުކޭޝަން މިނިސްޓްރީން ވަނީ ބުނެފަ އެވެ.
އެވިޑްގެ ކޮލެޖަށް ކިޔަވަންދާ ކުދިންތަކެއް: ކޯސްތައް ލިބުމުގައި ހުރި ދަތިތައް ދަނީ ފިލުވައި ދެމުން