ބަންޑާރަކޮށީގެ އާ އިމާރާތް އެޅުމަށް 29 މިލިއަން ރުފިޔާއަށް އެލިއާ ކޮންސްޓްރަކްޝަން އާއި ހަވާލުކޮށްފި އެވެ.
ޕާކިން ޒޯނަކާއި އެކޮމޮޑޭޝަން ބްލޮކެއް ހިމެނޭ ގޮތަށް ޑިފެންސް މިނިސްޓްރީން އަޅަން ނިންމާފައިވާ އަށް ބުރީގެ އެ އިމާރާތް އެޅުމުގެ މަސައްކަތް އެލިއާ ކޮންސްޓްރަކްޝަން އާ ހަވާލުކުރީ ރޭ އެ މިނިސްޓްރީގައި ބޭއްވި ރަސްމިއްޔާތެއްގަ އެވެ. އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރު އާދަމް ޝަރީފެވެ. އެލިއާގެ ފަރާތުން މެނޭޖިން ޑިރެކްޓާ މުހައްމަދު އަޠޯ އެވެ.
ރޭ ސޮއިކުރި އެއްބަސްވުމުގެ ދަށުން އެ އިމާރާތުގައި އޮފީސް ޖާގައަށް ހާއްސަ ބަޔަކާއި، އެކޮމަޑޭޝަން ބްލޮކަކާއި، ނަމާދުކުރުމަށް ހާއްސަ ބަޔަކާއި، ޖަލްސާކުރާ މާލަމެއްގެ އިތުރުން، ޕާކިން ޒޯނެއް ހެދުމަށް ވަނީ ހަމަޖެހިފަ އެވެ.
ބަންޑާރަކޮށީގެ އަށްބުރި އިމާރާތުގެ ބިންގާ އެޅުމަށް ބޭއްވި ރަސްމިއްޔާތުގައި، މިނިސްޓަރު އާދަމް ޝަރީފާއި އެ މިނިސްޓްރީގެ އިސްވެރިން ވަނީ ބައިވެރިވެވަޑައިގަންނަވާފަ އެވެ.
