ބިރު ދައްކައިގެން ކުޑަ އަންހެން ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި އދ. ދިގުރަށުން ދެ މީހަކު ހައްޔަރުކޮށްފި އެވެ. މި ދެ މީހުން ހައްޔަރުކޮށްފައިވަނީ ރޭގެ ވަގުތެއްގަ އެވެ.
ފުލުހުންގެ މީޑިއާ އޮފިޝަލް ވިދާޅުވީ، ބިރު ދައްކައިގެން ކުޑަ ކުއްޖަކަށް ޖިންސީ ގޯނާކުރި ކަމުގެ ތުހުމުގައި ދިގުރަށުން ރޭ 21 އަހަރާއި 20 އަހަރުގެ ދެ ފިރިހެނުން ހައްޔަރުކޮށްފައިވާ ކަމަށެވެ. މި ދެ މީހުން ބިރު ދައްކާފައިވަނީ 15 އަހަރުގެ އަންހެން ކުއްޖަކަށެވެ.
މައުލޫމާތު ލިބިފައިވާ ގޮތުގައި ކުއްޖާއަށް ބިރު ދައްކައި، ޖިންސީ ގޯނާ ކޮށްފައިވަނީ ކުއްޖާގެ ފޮޓޯތަކެއް ނެގުމަށްފަހު އެ ފޮޓޯތައް ޑިލީޓްކުރުމާ ގުޅޭ ގޮތުން ވާހަކަ ދެއްކުމަށް ކަމަށް ބުނެ މީހުން ނޫޅޭ ގެއަކަށް ގެންދިޔުމަށްފަހު އެވެ.