ވެސްޓާހަމްއާ ދެކޮޅަށް ކުޅެ 4-0 ން މޮޅުވި މެޗުގައި، މެންޗެސްޓާ ސިޓީ އަށް ލަނޑު ޖަހައިދިން ބްރެޒިލްގެ ޒުވާން ކުޅުންތެރިޔާ ގެބްރިއަލް ޖީސަސް އަކީ، "ކަރައެއް" ކަމަށް ކަމަށް ސިޓީގެ ކޯޗް ޕެޕް ގާޑިއޯލާ ބުނެފި އެވެ.
ގެބްރިއަލް 19، ޖެހި ލަނޑަކީ މެންޗެސްޓާ ސިޓީގައި އޭނާ ކާމިޔާބު ކުރި ފުރަތަމަ ލަނޑެވެ. އޭނާ ވަނީ މިހާތަނަށް ސިޓީގައި ދެ މެޗް ކުޅެފަ އެވެ.
"ކަލޭމެންނަކަށް ނޭންގޭނެ އޭނާ އަހަރެން ސިފަ ކުރަނީ ކަރަ އެއް ގޮތަށް، ކަރާ ޖެހޭނީ ފަޅާފައި ބަލަށް އެއީ ރަނގަޅު އެއްޗެއްތޯ ގޯސް އެއްޗެއްތޯ،" ގާޑިއޯލާ ބުންޏެވެ. "ފެނުނު އިރު އޭނާ ބަރާބަރު، އެއީ ޒުވާން ކުޅުންތެރިޔެއް، ނަމަވެސް އޭނާގެ މެންޓަލިޓީ ވަރަށް ރަނގަޅު،"
ވެސްހޭމް ސިޓީގެ ފޯވަޑް ލައިންގައި ހަރަކާތްތެރިވި ތިން ކުޅުންތެރިންނަކީ، 23 އަހަރުން ދަށުގެ ކުޅުންތެރިން ނެވެ. ގެބްރިއަލްގެ އިތުރުން، ލިއޯރޭ ސޭން އާއި ރަހީމް ސްޓާލިން އެވެ.
"އަހަރެމެންގެ އެންމެ ކުރީގައި މި ކުޅުނީ އެވްރެޖްކޮށް ވިއްސަކަށް އަހަރުގެ ކުޅުންތެރިން، ޔޫރަޕްގައި މިހާ ޒުވާން ފޯވަޑް ލައިނެއް ނެތް. އަހަރެން ޝައުގުވެރިވޭ ސަޕޯޓަރުންގެ ފޯރި ފެނުމުން، މި ކުޅުންތެރިންނަކީ ޓީމުގެ ކުރިމަގުގައި ވިދާލާނެ ކުޅުންތެރިން،" ގާޑިއޯލާ ބުންޏެވެ.
ސިޓީ އިން ޖީސަސް ގެނައީ، މިދިޔަ ޖޫން މަހުގެ ހޫނު މޫސުމުގެ ޓްރާންސްފާ ޕީރިއަޑްގަ އެވެ. ނަމަވެސް އޭނާ މިދިޔަ އަހަރު ނިމެންދެން ހޭދަ ކުރީ، އޭނާގެ ކުލަބު ޕަލްމިރެސް ގައެވެ. އޭނާ ވަނީ ބްރެޒިލްގެ ކަޕް އެ ޓީމަށް ކާމިޔާބު ކޯށްދިނުމުގައި މުހިންމު ދައުރެއް އަދާ ކޮށްފަ އެވެ.