ރާއްޖޭގެ އުފެދުނު އެންމެ މޮޅު އެޓެކިން މިޑްފީލްޑާ އިބްރާހިމް ފަޒީލު (އޮއްޕޮ)، މިދިޔަ އަހަރު، ވޭލްސްގެ ހަ ވަނަ ޑިވިޝަން ކުލަބެއް ކަމަށްވާ ބޮޑޯގަން އެފްސީ ސޮއި ކުރި ވާހަކަ ވަނީ އަޑު އަހާފަ އެވެ.
ބޮޑޯގަން ގައި، އޮއްޕޮ ދެއްކި މޮޅު ކުޅުމުގެ ވާހަކަ ރާއްޖެއާ ހަމަޔަށް ނުފޯރިޔަސް އެ ވާހަކަ ދިޔައީ މާ އުހަށެވެ. އޭނާގެ މޮޅު ކުޅުމުގެ ވާހަކަ އަޑު އިވިގެން، އޭނާގެ ކުޅުން ބަލާލަން، ވޭލްސްގެ މަތީ ޑިވިޝަންތަކުން ކުލަބުތައް އަ އެވެ.
މިދިޔަ އަހަރު، އޭނާ ބޮޑޯގަންގައި ދެއްކި ކުޅުމަށް ޝައުގުވެރިވެގެން އޭނާ ގެންދަން އޮފާ ކުރީ ވޭލްސްގެ ދެ ވަނަ ޑިވިޝަންގެ ކުލަބެއް ކަމަށްވާ، ލާންގެވްނީ ޓައުން އެފްސީ އަށެވެ.
އެކުލަބުން އޭނާގެ ސޮއި ހޯދުމަށް ފަހު، އެ ކުލަބުގެ ވެބްސައިޓްގައި ބުނެފައިވަނީ "އޮއްޕޮ އަކީ ގުދުރަތީ ގޮތުން ފުޓްބޯޅައިގެ ހުނަރު ލިބިފައިވާ ކުޅުންތެރިޔެއްކަން ފާހަގަ ކުރެވިފައިވާ" ކަމަށެވެ.
ފިޓްނަސް ރަނގަޅު ކުރުމަށް، އެ ޓީމުން އޮއްޕޮ އަށް، ފުރަތަމަ ފުރުސަތު ދީފައި ވަނީ، އެ ކުލަބުގެ ދެ ވަނަ ޓީމުން ނެވެ.
ނަމަވެސް، މިހާރު އޮއްޕޮ ވަނީ ފުރަތަމަ ޓީމަށް ޕްރޮމޯޓް ކޮށްފަ އެވެ.
އެހެން ކަމުން އޭނާ ވެފައި ވަނީ، ރާއްޖޭގެ ކުޅުންތެރިންގެ ތެރެއިން ޔޫރަޕް އެންމެ ޓޮޕް ޑިވިޝަންގައި ކުޅުނު ކުޅުންތެރިޔާ އަށެވެ.