ވިލިމާލޭގެ ގެއެއްގައި އަލިފާން ރޯވެ ގެއްލުންތަކެއް ވެއްޖެ އެވެ. އެހެން ނަމަވެސް ރޭ ދަންވަރު 2:19 އެހާކަންހާއިރު ހިނގި އަލިފާނުގެ އެ ހާދިސާގައި މީހަކަށް ގެއްލުމެއް ނުވެ އެވެ.
އެމްއެންޑީއެފުން ބުނީ ވިލިމާލޭގައި ތިން ބުރިއަށް ހަދާފައި ހުންނަ ދަންމާނު، ގޭގައި ރޭ އަލިފާން ރޯވުމާއެކު އެމްއެންޑީއެފްގެ ވިލިމާލޭ ފަޔާ ސްޓޭޝަންގެ ފަޔާ ފައިޓަރުން އެ ގޭގެ ސަރަހަށްދަށް ގޮސް ރޯވެފައިވާ އަލިފާން ނިއްވަން ފިޔަވަޅުތައް އަޅައި އަލިފާން ނިއްވާލީ ރޭ ފަތިހު 3:44 އެހާކަންހާއިރު ކަމަށެވެ.
އަލިފާނުގެ ސަބަބުން އެގެއަށް ބޮޑެތި ގެއްލުންތަކެއް ލިބިފައިވެއެވެ. އަލިފާނުގެ އެ ހާދިސާ މިހާރު ގެންދަނީ ފުލުހުން ބަލައި ތަހުގީގު ކުރަމުންނެވެ.