މޯލްޑިވްސް ސްޓޮކް އެކްސްޗޭންޖު (އެމްއެސްއީ) ގެ ސީއީއޯ ހަސަން މަނިކު އިސްތިއުފާ ދެއްވަން ނިންމައިފި އެވެ.
އެމްއެސްއީ އިން ނޫސް ބަޔާނެއް މެދުވެރިކޮށް ބުނީ ސްޓޮކް އެކްސްޗޭންޖުގެ ސީއީއޯގެ މަގާމު ހަ އަހަރު ފުރުއްވުމަށްފަހު އިސްތިއުފާ ދެއްވި ނަމަވެސް، ކުންފުނީގެ މަސައްކަތްތައް ހަރުދަނާ ކުރުމާއި ސްޓޮކް އެކްސްޗޭންޖުގެ މަސައްކަތް ފުޅާ ކުރުމުގައި ހަރަކާތްތެރިވެ ވަޑައިގަންނަވާނެ ކަމަށެވެ.
އިސްތިއުފާ ދެއްވަން ނިންމެވުމާ ބެހޭ ގޮތުން، މަނިކު ވިދާޅުވީ ސްޓޮކް އެކްސްޗޭންޖުގެ ސީއީއޯގެ މަގާމަކީ ކެރިއަރުގައި ފުރުއްވި އެންމެ މުހިންމު މަގާމު ކަމަށެވެ.
"ދިވެހިރާއްޖޭގެ ކެޕިޓަލް މާކެޓު މި އަންނަނީ އިތުރަށް ފުޅާވެ، ތަރައްގީވަމުން ބަލާއިރު ސްޓޮކް އެކްސްޗޭންޖުގެ ދައުރު ވަރަށް ބޮޑު. މި ދާއިރާ ތަރައްގީ ކުރުމަށް އޮތް ޖާގަ ވެސް ވަރަށް ބޮޑު. މާލީ ދާއިރާއަށް ޝައުގުވެރިވާ ފަރާތްތަކަށް އެ ބޭފުޅުންގެ ހުނަރާއި ކްރިއޭޓިވް އަދި ޓެކްނިކަލް ނޮލެޖު ތަންފީޒު ކުރުމަށް ސްޓޮކް އެކްސްޗޭންޖުން ލިބިގެންދާނެ،" މަނިކު ވިދާޅުވި އެވެ.
ސީއީއޯގެ އިސްތިއުފާއާ ބެހޭ ގޮތުން، މޯލްޑިވްސް ސްޓޮކް އެކްސްޗޭންޖު (އެމްއެސްއީ) ގެ ޗެއާމަން އަލާއު އަލި ވިދާޅުވީ މަނިކުގެ ޒައާމަތުގައި އެ ކުންފުނި ބޮޑު ކާމިޔާބީއެއް ހޯދާފައިވާ ކަމަށެވެ.
"މި ކުންފުނީގައި މަނިކު ހިދުމަޔް ކޮށްދެއްވީ ޝައުގުވެރިކަމާއި ފަންޑީ ހުނަރުވެރިކަމާއެކު. މަނިކުގެ ލީޑާޝިޕްގެ ދަށުން ރާއްޖޭގެ ހިއްސާގެ މުއާމަލާތް ކުރުމަށް އޮންލައިން ޕޯޓަލްއެއްވެސް ހެދުނު. މިއީ މި ދާއިރާއަށް ލިބިގެން ދިޔަ ބޮޑު ކުރިއެރުމެއް. އަޅުގަނޑު އަބަދުވެސް އެދެނީ މަނިކަށް ބާއްޖަވެރި މުސްތަގުބަލެއް،" އަލާއު ވިދާޅުވި އެވެ.