ގާނޫނީ ވަކީލެއްގެ ހައިސިއްޔަތުން މަސައްކަތް ކުރުމުގެ ހުއްދައަށް އެދި ހުށަހެޅުމުގެ ފުރުސަތު ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން ހުޅުވާލައިފި އެވެ.
ޑީޖީއޭ އިން މިއަދު ކުރި އިއުލާންގައި ބުނެފައިވަނީ، ގާނޫނީ ވަކީލެއްގެ ހައިސިއްޔަތުން މަސައްކަތް ކުރުމުގެ ހުއްދަ ދިނުމަށް މިއަހަރު ބާއްވާ ރަސްމިއްޔާތުގައި ބައިވެރިވުމުގެ ފުރުސަތު ހުޅުވާލާފައިވާ ކަމަށެވެ. އެގޮތުން މިމަހުގެ 20 ވަނަ ދުވަހާއި ހަމައަށް ފުރުސަތު ހުޅުވާލާފައިވާ ކަމަށް އިއުލާންގައި ވެއެވެ.
ހުއްދަ އަށް އެދި ހުށަހެޅުމަށްޓަކައި އެކަމަށް ބޭނުންވާ ފޯމް، ގާނޫނީ ވަކީލު ކަމުގެ ހުއްދައަށް އެދޭ ފޯމު ފުރުމަށްފަހު އޭގައި ބަޔާންކޮށްފައިވާ ތަކެއްޗާއެކު މިމަހުގެ 20 ވަނަ ދުވަހުގެ މެންދުރުފަހު 3:00 އާއި ހަމައަށް ފުރުސަތު ހުޅުވާލާފައިވާ ކަމަށް އިއުލާންގައި ވެއެވެ.
ވަކީލު ކަމުގެ ހުއްދަ ދެނީ ޝަރީއަތާއި ގާނޫނުގެ ދާއިރާ އިން ޑިގްރީ ހާސިލްކޮށްފައިވާ ފަރާތްތަކަށެވެ. އަދި ހުއްދަ ދެނީ ވަކި ބާވަތެއްގެ ކުށްތައް ސާބިތުވެފައި ނުވާ މީހުންނަށެވެ.