މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ އިސް މަގާމުތަކުގައި ތިއްބެވި ހަތަރު ބޭފުޅަކު މިއަދު ވަޒީފާއިން ވަކިކޮށްފައިވާ ކަމަށާއި އެބޭފުޅުން ވަކިކުރީ ކުންފުނީގެ އޮނިގަޑަށް ގެނައި ބަދަލަކުން މަގާމުތައް ވުމުން ކަމަށް އެކުންފުނިން ބުނެފިއެވެ.
އެމްޕީއެލްގެ ޕީއާރް މެނޭޖަރު އަހުމަދު ނަރީޝް ދިދާޅުވީ އެކުންފުނިން ވަކިކުރީ ޑިވިޝަން ހެޑް އިބްރާހިމް ރަޝީދާއި ޓާމިނަލް ވެހިކަލް ޔުނިޓުގެ ހެޑް މުހައްމަދު މަސީހުގެ އިތުރުން ކާގޯ ހެޑް އިބްރާހިމް ވަހީދާއި މާލޭ ނޯތު ހާބަރުގެ ހެޑް މުޖާހިދު އަނީސް ކަމަށެވެ.
" މިއީ ސީއީއޯ [އިބުރާހީމް އަބުުދުއް ރައްޒާގު ހަލީމް] މަގާމާ ހަވާލުވެވަޑައިގެން ކުންފުންޏަށް ހެޔޮ ބަދަލުތައް ގެންނަވަން ވެގެން ސްޓްރަކްޗާއަށް ބަދަލު ގެންނެވި ފުރަތަމަ ބަދަލު. ގެންނެވި ބަދަލަކީ ބައެއް ޑިޕާޓްމަންޓްތައް އެއްކޮށްލެއްވުން. އެގޮތުން އެއްކޮށްލީމާ އެޗްއޯޑީންގެ މަގާމު އޮޓަމެޓިކުން އުވޭނެ ނޫންތޯ؟" ނަރީޝް ވިދާޅުވިއެވެ.
އެމްޕީއެެލްގެ ޑިރެކްޓަރުންގެ ބޯޑަށް ވެސް ދާދިފަހުން ވަނީ ބޮޑެތި ބަދަލުތަކެއް ގެނެސްފަ އެވެ. އެގޮތުން މިދިޔަ ޖެނުއަރީ މަހު 9 ގައި އެމްޕީއެލްގެ ބޯޑުން ހަތަރު ބޭފުޅަކު ވަކިކޮށް ތިން ބޭފުޅަކު އައްޔަންކުރިއެވެ.