ދ. ކުޑަ ހުވަދޫގައި މޫދަށް އެރި އުޅުނު އުމުރުން ކުޑަކުއްޖަކު ގެނބިގެން މަރުވެއްޖެއެވެ.
ކުޑަހުވަދޫ ކައުންސިލްގެ ނައިބު ރައީސް އަލީ ސައުދު އަވަސް އަށް ވިދާޅުވީ މިއަދު މެންދުރުފަހު 1.45 ހާ އިރު ހިނގި ހާދިސާގައި މަރުވީ އުމުރުން 17 އަހަރުގެ ފިރިހެން ކުއްޖެއް ކަަމަށެވެ. އަދި ވިދާޅުވީ މަރުވި ކުއްޖާއަކީ އޯޓިޒަމް ކުއްޖެއް ކަމަށެވެ.
ނަމަވެސް ހާދިސާގެ ތަފުސީލު ރަށު ކައުންސިލުން ދޭން މިވަގުތު ދަތި ކަމަށް އޭނާ ވިދާޅުވިއެވެ. އެދިވަޑައިގެންނެވީ އާއިލާއިން އެމައުލޫމާތު ހޯދުމަށެވެ.
ކުޑަކުއްޖާ ގެނބިގެން މަރުވި ހާދިސާ ތަހުގީގު ކުރުމަށް ފުލުހުން ހަރަކާތްތެރިވަމުން އަންނަ ކަމަށް ސައުދު ވިދާޅުވިއެވެ.