ޕީޕީއެމްގެ ރައީސްއަކީ ކުރީގެ ރައީސް އަބްދުﷲ ޔާމީން ކަމަަށް އެ ޕާޓީން ކަނޑައެޅި ކޮޮންގްރެސް ސައްހަ ކަމަށް ސުޕްރީމް ކޯޓުން އަމުރުކޮށްފައި ވަނިކޮށް ރައީސް މައުމޫން ތަފާތު ޓްވީޓެއް ކުރައްވައިފި އެވެ.
ރައީސް މައުމޫން ވަރަށް ކުރުކޮށް މިއަދު ކުރެއްވި ޓްވީޓުގައި ވިދާޅުވީ އެމަނިކުފާނުގެ އަޒުމެއް ނުގުޑާނެ ކަމަށާއި ހިތްވަރު ނޭލޭނެ ކަމަށެވެ.
ޕީޕީއެމް ކޮންގްރެސް މައްސަލާގައި ދަށު ކޯޓުން ވެސް އަދި ސުޕްރީމް ކޯޓުން ނިންމީ ސައްހަ ކަމަށެވެ. އޭގެ އިތުރުން ޕީޕީއެމްގެ އެހެން މައްސަލައެއް ވެސް ސުޕްރީމް ކޯޓުގައި މިހާރު ކުރިއަށްދެ އެވެ. އެއީ އެ ޕާޓީގެ މިލްކިއްޔާތާ ގުޅޭ ގޮތުން އާންމު ދެ މެންބަރަކު ހުށަހަޅާފައިވާ މައްސަލައެއް ސިވިލް ކޯޓަށް ބެލިދާނެ ކަމާމެދު ކުރިއަށްދާ މައްސަލައެކެވެ. އެ މައްސަލާގެ އިޖުރާއީ އަޑުއެހުމެއް ވަނީ ބާއްވާފަ އެވެ.