އައިޖީއެމްއެޗް ހޮސްޕިޓަލުގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފުން ބުނީ އައިޖީއެމްއެޗްގައި އަލިފާނުގެ ހާދިސާއެއް ހިނގީ ހޮސްޕިޓަލުގެ ބާ އިމާރާތުގައި ހުރި ބެޓެރިއެއްގައި ރޯވުމުންނެވެ.
އަލިފާނުގެ ހާދިސާ އެމްއެންޑީއެފަށް ރިޕޯޓު ކުރީ މިއަދު ހެނދުނު 10:00 ހާއިރު އެވެ. އަދި ހެނދުނު 10:30 ހާއިރު އެމްއެންޑީއެފުން ވަނީ އަލިފާން ކޮންޓްރޯލް ކޮށްފަ އެވެ.
މި ހާދިސާގައި އިމާރާތަށާއި އެއްވެސް މީހަކަށް ގެއްލުމެއް ނުވާ ކަމަށް އެމްއެންޑީއެފުން ބުންޏެވެ. އަދި މިހާރު ކުރަމުން ދަނީ އިމާރާތުން ދުން ބޭރު ކުރުމުގެ މަސައްކަތް ކަމަށް އެމްއެންޑީއެފުން ބުންޏެވެ.