ކޮވިޑް-19 ފެތުރޭތީ އުމްރާއަށް މީހުން ދިއުން ސައޫދީ އަރަބިއްޔާގެ ސަރުކާރުން ވަގުތީ ގޮތުން މަނާ ކޮށްފި އެވެ.
ސައުދީ ފޮރިން މިނިސްޓްރީން ނެރުނު ބަޔާނެއްގައި ބުނީ ކޮވިޑް-19 މުޅި ދުނިޔެ އަށް ފެތުރި ނުރައްކާ ބޮޑުވަމުން ދާތީ ބަލި އެންމެ ގަދައަށް ފެތުރޭ ގައުމުތަކުން އެ ގައުމަށް ޓޫރިސްޓުންގެ ގޮތުގައި މީހުން އެތެރެވުން މަނާކޮށް މި ދުވަސްވަރު އުމްރާއަށް މީހުން ދިއުން ވެސް ވަގުތީ ގޮތުން ހުއްޓާލާފައިވާ ކަމަށެވެ.
އެ ގައުމުން ބުނީ އެ ފިޔަވަޅު އެޅީ ސައުދީ ރައްޔިތުންނާއި ހަރަމްފުޅަށް ޒިޔާރަތް ކުރާ މީހުންގެ ރައްކަލަކަށް އެޅި ފިޔަވަޅެއް ކަމަށެވެ.
ކޮވިޑް-19 މިހާތަނަށް 80،000 އަށް ވުރެ ގިނަ މީހުންނަށް ޖެހިފައިވެ އެވެ. އަދި މީގެ ތެރެއިން 2،770 މީހަކު ވަނީ މަރުވެފަ އެވެ. ޗައިނާއިން ފެތުރެންފެށި މި ބަލި މިހާތަނަށް 46 ގައުމެއްގައި ފެތުރިފައިވެ އެވެ.