އެމެރިކާ އިން ރާއްޖެއަށް ކަނޑައަޅާފައި ހުންނަވާ ސަފީރު އެލައިނާ ބީ ޓެޕްލިޓްޒްއާ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބައްދަލު ކުރައްވައިފި އެވެ.
މި ބައްދަލުވުން މިއަދު ހެނދުނު ކުރިއަށް ދިޔައީ ރައްޔިތުންގެ މަޖިލިސް ކުރާ ގޭގަ އެވެ. ބައްދަލުވުމުގައި ރައްޔިތުންގެ މަޖިލީހުގެ ނައިބް ރައީސް އީވާ އަބްދުﷲ އާއި މަޖިލީހުގެ އަމީންއާންމު ފާތިމަތު ނިއުޝާ އާއި ކައުންސަލް ޖެނަރަލް ފާތިމަތު ފިލްޒާ ވެސް ބައިވެރިވެވަޑައިގެންނެވި އެވެ.
މަޖިލީހުގެ އިދާރާއިން ބުނީ މި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރެއްވީ ދެ ގައުމުގެ ގުޅުން ބަދަހި ކުރުމާ ގުޅޭގޮތުން ކަމަށެވެ.