މާލެ، އޯގަސްޓު 07، 2022: ސްކޫލުތަކުގެ ބޮޑު ޗުއްޓީއަށްފަހު ދިރާސީ އާ އަހަރުގެ ކިޔެވުން މިއަދު ވަނީ ފަށާފަ އެވެ. ރާއްޖޭގެ ހުރިހާ ސަރަހައްދެއްގައި ޖުމްލަ 271 ސްކޫލެއްގައި މިއަދު ކިޔަވައިދެ އެވެ. އަދި އެ ސްކޫލް މަދަރުސާތަކުގައި 92،000 އަށް ވުރެ ގިނަ ދަރިވަރުން ތައުލީމު ހާސިލްކުރަމުންދެ އެވެ. މީގެތެރެއިން ސަރުކާރުގެ 217 ސްކޫލްގައި 76،000 އަށް ވުރެ ގިނަ ދަރިވަރުން ކިޔަވަމުންދެ އެވެ. އަދި 8،300 އަށް ވުރެ ގިނަ ޓީޗަރުން އެ ސްކޫލްތަކުގައި ހަރަކާތްތެރިވަމުންދެ އެވެ. ދިރާސީ އާ އަހަރުގެ ކިޔެވުން ފެށިއިރު ޖުމްލަކޮށް އިންތިޒާމުތަކާއި ތައްޔާރީތައް ރަނގަޅު ކަމަށް ގިނަ ސްކޫލުތަކަކުން ބުނެ އެވެ. -- އަހްމަދު އަޒާން | އަވަސް