މާލެ، ސެޕްޓެމްބަރ 13، 2022: ބޯހިމެނުމުގެ މަސައްކަތް މިއަދު މުޅި ރާއްޖޭގައި ރަސްމީކޮށް ފައްޓަވައިދެއްވީ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އެވެ. ބޯހިމެނުމުގެ މަސައްކަތް ކުރިއަށް ގެންދާނީ މިއަދުން ފެށިގެން މިމަހުގެ 25 ވަނަ ދުވަހުގެ ނިޔަލަށެވެ. ބޯހިމެނުމުގެ ތެރެއިން ތަފާސްހިސާބު އެއްކުރުމުގެ މައުލޫމާތު މިއަހަރު ކުރިއަށް ގެންދަނީ ޑިޖިޓަލްކޮށެވެ. ބޯހިމެނުމުގައި ތަފާސްހިސާބު އެއްކުރުމަށް މުޅި ރާއްޖޭގައި 4،300 އެނިއުމަރޭޓަރުން ހަރަކާތްތެރިވެ އެވެ. ބޯހިމެނުމުގެ ބުރާ ބޮޑު މަސައްކަތުގެ ވަގުތީ ނަތީޖާ އިއުލާނު ކުރަން ހަމަޖެހިފައިވަނީ ކުރިއަށް އޮކްޓޫބަރު ހަވަނަ ދުވަހު އެވެ. ދާއިމީ ނަތީޖާ އިއުލާނު ކުރާނީ ގައުމީ ތަފާސްހިސާބުގެ ދުވަސް ކަމަށްވާ އޮކްޓޫބަރު 20 ވަނަ ދުވަހު އެވެ. ރާއްޖޭގައި ރަސްމީ ސިފައެއްގައި އެންމެ ފުރަތަމަ ފުރަތަމަ ބޯހިމަނާފައިވަނީ 1911 ވަނަ އަހަރު އެވެ. ރާއްޖޭގައި އެންމެ ފަހުން ބޯހިމެނީ 2014 ވަނަ އަހަރު އެވެ. ފޮޓޯ: ޔާމިން މުހައްމަދު | އަވަސް