ވެލާނާ އިންޓަނޭޝަނަލް އެއާޕޯޓް، 05 އޮކްޓޫބަރު، 2022: ޔުނައިޓެއް އަރަބް އެމިރޭޓް (ޔޫއޭއީ)ގެ ޔޫއޭއީގެ ވިޒް އެއާގެ ދަތުރުތައް އިއްޔެ ވަނީ ރާއްޖެއަށް ފަށާފަ އެވެ. ވިޒްގެ ފުރަތަމަ ފްލައިޓް ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި ޖެއްސީ އިއްޔެ ހަވީރު 4:50 ހާއިރު އެވެ. ވިޒްގެ ފްލައިޓްގައި ރާއްޖެ އައި އެ އެެއާލައިންގެ އިސްވެރިންނާއި ޕަސެންޖަރުންނަށް ރާއްޖެއިން ހޫނު މަރުހަބާއެއް ކިޔާފައިވެ އެވެ. ކޮންމެ ހަފުތާއެއްގެ އާދިއްތަ، އަންގާރަ، ބުރާސްފަތި އަދި ހޮނިހިރު ދުވަހު ކުރުމަށް ހަމަޖެހިފައިވާ ދަތުރުތަކުގައި އެއްކޮޅު ޓިކެޓެއްގެ އަގަކީ 97 ޑޮލަރު ނުވަތަ 1،495 ރުފިޔާ އެވެ. ޔޫއޭއީ އަކީ ދިވެހިން އެންމެ ގިނައިން ދަތުރުކުރާ މަންޒިލްތަކުގެ ތެރޭގައި ހިމެނޭ ގައުމެކެވެ. -- ފޮޓޯ: ޔާމިން މުހައްމަދު | އަވަސް