މާލެ، 16، ނޮވެންބަރް 2022: ނުކުޅެދުންތެރިކަން ހުންނަ މީހުންގެ ހުނަރު ދައްކާލުމަށް ބޭއްވި މައުރަޒު "ރިވެލި" އަކީ ނުކުޅެދުންތެރިކަން ހުންނަ މީހުންނާއި ކުދިންގެ ކިބައިގައިވާ ހުނަރާއި، އުފެއްދުންތެރިކަން އާންމުކޮށް، މަސައްކަތްތެރިކަމާއި ވިޔަފާރި ކުރިއެރުވުމަށް ޝައުގުވެރިކަން ހުންނަ ފަރާތްތައް ބާރުވެރިކޮށް އެކަމަށް މަގުފަހިކޮށްދިނުމުގެ މަގުސަދުގައި ބޭއްވި މައުރަޒެކެވެ. މި އަހަރުގެ މައުރަޒުގައި 95 ފަރާތަކުން ބައިވެރިވި އެވެ. ބައިވެރިން އުފެއްދުންތައް ހުށަހެޅީ ފަސް ދާއިރާއަކުންނެވެ. އެއީ އަމިއްލަ އުފެއްދުންތެރިކަމުގެ ދާއިރާއާއި، ދަނޑުވެރިކަމުގެ ދާއިރާއާއި، ކާބޯތަކެތީގެ ދާއިރާއާއި، ކުރެހުމުގެ ދާއިރާއާއި، އަތްތެރި މަސައްކަތްކުރުމުގެ ދާއިރާ އެވެ. އުފެއްދުންތައް ވިއްކުމަށް ބޭނުންވި ބައިވެރިންނަށް އެ ފުރުސަތު ވެސް ދީފައިވެ އެވެ. ޖެންޑާ މިނިސްޓްރީން އިންތިޒާމު ކުރި ރިވެލި މައުރަޒު ކުރިއަށް ގެންދިޔައީ ދަރުބާރުގޭގަ އެވެ. -- ފޮޓޯ: އަހްމަދު އަޒާން | އަވަސް