މާލެ، 01، ޖެނުއަރީ 2023: މާލޭގައި ހުންނަ ނީލަން ފިހާރަ ސަރަހައްދުގައި އަލިފާން ރޯވީ މިއަދު ހެނދުނު 5:30 ހާއިރު އެވެ. އެއްވެސް ހަމައެއް އުސޫލެއް ނެތި ތަފާތު ވިޔަފާރިތައް ހިންގާ މިސަރަހައްދަކީ ދޭތެރެއަކުން އަލިފާން ރޯވާ ސަރަހައްދެކެވެ. ނީލަން ފިހާރަ ސަރަހައްދުގައި އަލިފާން ރޯވުމާ ގުޅިގެން އެ ސަރަހައްދުގައި ހުރި ސިޓީ ކައުންސިލްގެ ބިދޭސީ މުވައްޒަފުން ތިބޭ އެކޮމަޑޭޝަނަށް ވަނީ ބޮޑެތި ގެއްލުންތަކެއް ލިބިފަ އެވެ. މިސަރަހައްދުގައި ކުރާ ވިޔަފާރިތަކުގައި ބިދޭސީން ގިނަ އަދަދަކަށް ޝާމިލްވެ ވިޔަފާރި ކުރުމުގައި އެ މީހުންގެ ނުފޫޒު ބޮޑެވެ. އަލިފާނުގެ މިހާދިސާ ހިނގަން މެދުވެރި ސަބަބެއް ކަމާ ގުޅޭ އެއްވެސް އިދާރާ އަކުން އަދި ހާމައެއް ނުކުރެެ އެވެ. އަލިފާން އެއްކޮށް ނިއްވާލެވުނީ ގާތްގަނޑަށް ތިން ގަޑިއިރު ކުރި މަސައްކަތްތަކަށް ފަހު އެެވެ. -- ފޮޓޯ: އަހްމަދު އަޒާން | އަވަސް