މާލެ މާލެ، 03، ފެބްރުއަރީ 2023: ޕީޕީއެމްގައި އިން ކުރިއަށް ގެންދާ "ހޯޕް ކޮންފަރެންސް" 1157 މެންބަރުންނާ އެކު ފެށީ އިއްޔެ ދަރުބާރުގޭގަ އެވެ. ޕީޕީއެމް އިން ކުރިއަށް އޮތް ރިޔާސީ އިންތިހާބަށް ތައްޔާރުވުމަށް ބާއްވާ މި ކޮންފަރެންސްގައި ހީކުރި ވަރަށް ވުރެވެސް ގިނަ މަންދޫބުން ބައިވެރިވަމުންދާ ކަމަށް ޕީޕީއެމް އިން ބުނެ އެވެ. ހޯޕް ކޮންފަރެންސްގެ ބައެއްގެ ގޮތުގައި މިއަދު ވަނީ މާލޭގައި ބޮޑު ހިނގާލުމެއްވެސް ބާއްވާފަ އެވެ. ހޯޕް ކޮންފަރެންސް ނިންމާލުމަށް ހަމަޖެހިފައިވަނީ މާދަމާ ރޭ މާލޭގެ އާޓިފިޝަލް ބީޗްގައި "ދުއްޕާން"ގެ ނަމުގައި ބާއްވާ ބޮޑު ޖަލްސާ އަކުންނެވެ. މިކޮންފަރެންސްގައި މައިގަނޑު ގޮތެއްގައި ކުރުމަށް ހަމަޖެހިފައިވަނީ ރިޔާސީ އިންތިހާބުގެ ކެމްޕޭން ހަރަކާތްތަކާއި ދަތުރުތައް ކުރިއަށް ގެންދާނެ ގޮތް ރޭވުމެވެ. އަދި ޕާޓީގެ މެންބަރުންގެ މެދުގައި އޮންނަ ގުޅުން ބަދަހިކޮށް އެކުގައި ކުރިއަށް ގެންދާނެ ގޮތްތަކެއް ހަމަޖެއްސުމުގެ މަސައްކަތެވެ. -- ފޮޓޯ: މުހައްމަދު ޒައިން އިބްރާހީމް | އަވަސް