މާލެ، 06، ފެބްރުއަރީ 2023: ރިޔާސީ ބަޔާން އިއްވުމަށް މިއަދު ބޭއްވި މަޖިލީހުގެ ޖަލްސާއާ ދިމާކޮށް އިދިކޮޅު ޕީޕީއެމް / ޕީއެންސީގެ މެންބަރުން ވަނީ އިހްތިޖާޖުކޮށްފަ އެވެ. މަޖީދިއްޔާ ސްކޫލާ ދިމާލުގައި ސޯސަން މަގުގައި ކުރި އިހްތިޖާޖުގައި ފުލުހުންނާ އިދިކޮޅު ބައިވެރިންނާ ދެމެދު ވަނީ ހަމަނުޖެހުންތަކެއް ހިނގާފަ އެވެ. އިހްތިޖާޖުގެ ބައިވެރިން މައިތިރިކުރުމަށްޓަކައި ފުލުހުން ވަނީ ޕެޕަ ސްޕްރޭ ޖަހައި ބާރުގެ ބޭނުންކޮށްފަ އެވެ. ފުލުހުންގެ އަމުރަށް ނުކިޔަމަންތެރިވި 11 މީހަކު ފުލުހުންގެ ބެލުމުގެ ދަށަށް ގެންދިޔަ އެވެ. އަދި އިހްތިޖާޖު ކަވަރުކުރަމުން ދިޔަ ދެ ނޫސްވެރިޔަކަށް ވެސް އަނިޔާވެފައިވެ އެވެ. އަނިޔާވީ ޗެނަލް 13ގެ ދެ ނޫސްވެރިންނަށެވެ. އިދިކޮޅު ބައިވެރިން ގޮވާފައިވަނީ ޕީޕީއެމްގެ ރައީސް އަބްދުﷲ ޔާމީން މިނިވަންކުރާށެވެ. -- ފޮޓޯ: މުހައްމަދު ޒައިން އިބްރާހީމް | އަވަސް