މޯލްޑިވިއަން އައިޑޮލް ސީޒަން ދޭއެއްގެ ގަދަ ފަހެއްގައި ހިމެނޭ ތަރިންނަކީ މިހާރު ރާއްޖޭގައި ތިބި އެންމެ މަޝްހޫރު ފަސް ކުދިންނެވެ. މި ކުދިންގެ ލަވަތަކުން ގިނަ ބައެެއްގެ ހިތްތައް ދަނީ ކަތިލަމުންނެވެ. ނަމަވެސް މިފަހަރު ތަރިންގެ މުޅިން ތަފާތު ހުނަރެކެވެ. މި ތަޖުރިބާކޮށްފައި މިވަނީ އީވޯ ހޯމްގެ ފިހާރައިންނެވެ. މޯލްޑިވިއަން އައިޑޮލްގެ ކޯ-ސްޕޮންސާ އީވޯ ހޯމް އަށް ކުރި ގޮސް މި ކުދިން ކުރި ކަމަކީ ކޮބައި ހެއްޔެވެ؟
މޯލްޑިވިއަން އައިޑޮލް ސީޒަން ދޭއެއްގެ ގަދަ ފަހެއްގައި ހިމެނޭ ތަރިންނަކީ މިހާރު ރާއްޖޭގައި ތިބި އެންމެ މަޝްހޫރު ފަސް ކުދިންނެވެ. މި ކުދިންގެ ލަވަތަކުން ގިނަ ބައެެއްގެ ހިތްތައް ދަނީ ކަތިލަމުންނެވެ. ނަމަވެސް މިފަހަރު ތަރިންގެ މުޅިން ތަފާތު ހުނަރެކެވެ. މި ތަޖުރިބާކޮށްފައި މިވަނީ އީވޯ ހޯމްގެ ފިހާރައިންނެވެ. މޯލްޑިވިއަން އައިޑޮލްގެ ކޯ-ސްޕޮންސާ އީވޯ ހޯމް އަށް ކުރި ގޮސް މި ކުދިން ކުރި ކަމަކީ ކޮބައި ހެއްޔެވެ؟
އައިޑޮލްގެ ތަރިން ޒިޔާރަތް ކުރީ އީވޯހޯމް (މަޖީދީ މަގު) ފިހާރަ އަށެވެ. މި ކުދިންގެ ޒިޔާރަތުގައި ޕްރޮފެޝަނަލް ޝެފެއްގެ ބެލުމުގެ ދަށުން ވަނީ ކެއްކުމުގެ ހުނަރު ދައްކާލާފަ އެވެ. ތަރިންގެ މި ޒިޔާރަތައް ދިޔައިރު އީވޯ މުޅި ކުންފުނި ވަނީ މަރުހަބާ ކިޔަން ތައްޔާރުވެފަ އެވެ.
"ޖުމްލަކޮށް މިތަނުގައި ވިއްކާ އެއްޗިހި ވަރަށް ތަފާތުވާނެ. އެހެންވެ އެކަން ހުރިހާ ކުދިން ވެސް ފާހަގަކުރި،" އޮފިޝަލް ވިދާޅުވި އެވެ.
ދުނިޔެ އަށް މަޝްހޫރު، ޔޫރަޕުގެ ގިނަ ބްރޭންޑްތަކުގެ ބަދިގެ ސެޓާއި ފަރުނީޗަރު ވިއްކާ އީވޯ އަށް އައިޑޮލްގެ ތަރިން ގޮސް "ނޯލްޓޭ" ކިޗަން ސެޓުތަކުގެ މޮޅުކަން ތަޖުރިބާ ކޮށްފައިވެ އެވެ. މިކަމުގައި އެހީތެރިވެދިނީ މަޝްހޫރު ކޮންްރެޑް ރިސޯޓުގެ ޕޭސްޓްރީ ޝެފް ޒުވާން، އައިމިނަތު ހަމީދު އެވެ.
އައިޑޮލްގެ ތަރިންގެ ޒިޔާރަތަކީ އީވޯހޯމް އަށް ލިބިގެންދިޔަ ވަރަށް ބޮޑު އުފަލެއްގެ ގޮތުގައި އެ ކުންފުނިން ދެކެ އެވެ. ސަބަބަކީ މި ޒިޔާރަތުގެ ސަބަބުން އެތަނުގައި ވިއްކާ މުހިންމު އުފެއްދުންތައް ތަޖުރިބާ ކޮށްލުމުގެ ފުރުސަތު އެ ކުދިންނަށް ލިބުމެވެ.
މި ޒިޔާރަތާ ބެހޭ ގޮތުން އީވޯގެ އޮފިޝަލަކު ބުނީ އެތަނުގައި ވިއްކާ އުފެއްދުންތަކަށް އެ ކުދިން ވަރަށް ޝައުގުވެރިވި ކަމަށެވެ. ތަރިންގެ މި ޒިޔާރާތުގައި އެ ކުދިން އަމިއްލައަށް ޕޭސްޓްރީ ތައްޔާރު ކުރުން ފަދަ ކަންތައްތައް ކޮށްފައިވެ އެވެ. މިކަން ވެގެން ގޮސްފައިވަނީ ވަރަށް ތަފާތު ކަމަށެވެ.
"ހާއްސަކޮށް މިތަނުގައި ހުންނަ ބަދިގެ ސެޓުތަކަށް އެ ކުދިން ވަރަށް ގަޔާވި. ޖުމްލަކޮށް މިތަނުގައި ވިއްކާ އެއްޗިހި ވަރަށް ތަފާތުވާނެ. އެހެންވެ އެކަން ހުރިހާ ކުދިންވެސް ފާހަގަކުރި،" އޮފިޝަލް ވިދާޅުވި އެވެ.
އީވޯއަކީ މިހާރު ރާއްޖޭގައި ވިއްކާ އެންމެ މަގުބޫލު އުފެއްދުންތައް ވިއްކާ އެއް ވިޔަފާރި އެކެވެ. އެ ކުންފުނީގެ ވިޔަފާރި އަށް ހަތަރު އަހަރު ފުރޭއިރު، ފްލޯރިން އާއި ބަދިގެ ސާމާނު އަދި ފަރުނީޗަރާއި ރިސޯޓުތަކަށް ބޭނުންވާ ސާމާނު ވިއްކަން ފިހާރައެއް ހިންގަ އެވެ. -- ފޮޓޯތައް: އީވޯހޯމް