ރޭ ކ. ހިންމަފުށީގައި ފިތުރު އީދު ފާހަގަ ކުރުމުގެ ގޮތުން 1438 ބޮޑުބެރު ގްރޫޕުން ދިން ޝޯ ބަލައިލަން އެރަށަށް އެތައް ސަތޭކަ ބަޔަކު ދިޔަ އެވެ. މިހާތަނަށް އެރަށުގައި ބޭއްވި އެންމެ ބޮޑު ޝޯ އަކީ ރޭ ބޭއްވި ޝޯ އެވެ. މީގެ އިތުރުން އެންމެ ގިނަ ފަންނާނުން އެއް ޝޯއެއްގައި ޕާފޯމްކުރި ޝޯ އަކީ އެ ޝޯ އެވެ.
ރޭ ކ. ހިންމަފުށީގައި ފިތުރު އީދު ފާހަގަ ކުރުމުގެ ގޮތުން 1438 ބޮޑުބެރު ގްރޫޕުން ދިން ޝޯ ބަލައިލަން އެރަށަށް އެތައް ސަތޭކަ ބަޔަކު ދިޔަ އެވެ. މިހާތަނަށް އެރަށުގައި ބޭއްވި އެންމެ ބޮޑު ޝޯ އަކީ ރޭ ބޭއްވި ޝޯ އެވެ. މީގެ އިތުރުން އެންމެ ގިނަ ފަންނާނުން އެއް ޝޯއެއްގައި ޕާފޯމްކުރި ޝޯ އަކީ އެ ޝޯ އެވެ.
އެ ގްރޫޕްގެ އެންމެ މަގުބޫލު ލަވަކިޔުންތެރިޔާ ހަސަން މުސްފާހު (މުސީ)، މިއަހަރުގެ މޯލްޑިވިއަން އައިޑޮލް މުހައްމަދު ތަސްނީމް (ބޮބް)، އައިޑޮލް އިން ވިދާލި ހަސަން އިރުފާން (ޒަކިއްޓެ)، މުހައްމަދު ހަމްދާން އަދި ކުޅަދާނަ ލަވަކިޔުންތެރިޔާ ސަމާ މޫސާ އަޑުން ރީތި ލަވަތަކެއް އިވިގެން ދިޔަ އެވެ.
މީގެ އިތުރުން އަވަސް އާއި ޗެނަލް 13 ގުޅިގެން މިދިޔަ ރޯދަމަހު ގެނެސްދިން "ރިދަމް" މިއުޒިކް ޝޯގައި ޒަކިއްޓެ އާ އެކު ޕާފޯމްކުރި ޝާޔާގެ އަޑުންވެސް ހިތްގައިމު ރީތި ލަވަތަކެއް އިވިގެން ދިޔަ އެވެ. ލިއޮވިލް އަދި ޓޫ ސެންސް ވެސް ޕާފޯމް ކުރި އެވެ. 1438 ގެ ދަށުން ހިންގާ ޑާންސް ގްރޫޕް "ރާޒްމަޓާޒް" ގެ ފަރި ހަރަކާތްތަކެއްވެސް ފެނިގެން ދިޔަ އެވެ.
އީދު ޝޯ ފެށުމުގެ ކުރިން 1438 ބޮޑުބެރު ގްރޫޕްވަނީ އިއްޔެ ހަވީރު ހިންމަފުށީ ޒުވާނުންނާއެކު އެކުވެރިކަމުގެ ފުޓުބޯޅަ މެޗެއްވެސް ކުޅެފަ އެވެ.
ރޭގެ ޝޯގައި އެންމެ ހާއްސަ އެއް ކަމަކީ 1438 ބޮޑުބެރު ގްރޫޕްގެ ދަށުން ހިންގާ މުޅިން އާ ބޭންޑެއް ލޯންޗު ކުރުމެވެ. "ސްކޯލިއޯ" ނަމުގައި އުފެއްދި އެ ބޭންޑުގައި މުސީ، އައްޒަޑޭ، ހުމާމް އަދި ތައު ޕާފޯމްކުރާނެ އެވެ. އެ ބޭންޑުގެ ތިން ލަވައެއް ރޭގެ ޝޯގައި އިވިގެން ދިޔަ އެވެ.
ރޭގެ ޝޯއަކީ ބޮޑު ތަރުހީބެއް ލިބިގެން ދިޔަ ކާމިޔާބު ޝޯއެކެވެ. ސާދަ ތިރީސް އަށެއްގެ ހާއްސަ ޝުކުރެއް ހިންމަފުށީ ކައުންސިލާ ޔޫތު ސެންޓަރު އަދި ޝޯގެ ހޯސްޓް ހިންމަފުށީ ހޯސްޓް ކިންގް މުހައްމަދު އިމްތިޔާޒް އަށް އަދި ހާއްސަކޮށް އެރަށު ހުރިހާ ރައްޔިތުންނަށް އަދާކުރި އެވެ.
އަވަސް ފޮޓޯ: އަހުމަދު ޝުރާއު