ފިޝަރީޒް މިނިސްޓްރީން ބާއްވާ ފިޝަރީޒް އެކްސްޕޯ 2019 މި އަހަރު އޮތީ ހުޅުމާލޭގެ ހުރަވީ ސްކޫލުގަ އެވެ. މިއީ ފިޝަރީޒް އެކްސްޕޯ ބާއްވާ ތިން ވަނަަ އަހަރެވެ. މި އަހަރުގެ އެކްސްޕޯގައި 14 ފަރާތަކުން ބައިވެރިވި އެވެ. އޭގެ ތެރޭގައި ބޭރުގެ ކުންފުންޏެއް ވެސް ހިމެނެ އެވެ. މަހުގެ އުފެއްދުންތަކުގެ އިތުރުން އައިސްޕްލާންޓާއި ކޫލިންގ ސިސްޓަމްތަކާއި މެރިން އިންޖީނާއި މުވާސަލާތީ ބައެއް އާލާތްތައްވެސް މި އެކްސްޕޯގެ ސްޓޯލްތަކުގައި ދައްކާލަން ބަހައްޓާފައިވެއެވެ. މި އެކްސްޕޯ ކުރިޔަށް ދަނީ 6 ޑިސެމްބަރުން ފެށިގެން 8 ޑިސެމްބަރުގެ ނިޔަލަށެވެ.