ހޮންކޮންގައި 2014 ވަނަ އަހަރު ކުރި މުޒާހަރާއެއްގެ ތެރެއިން މީހަކަށް އަނިޔާކުރިކަމުގެ ކުށް ސާބިތުވެގެން ހަތް ފުލުހަކު ދެ އަހަރަށް ޖަލަށް ލުމުން އެކަމާ ނުރުހުން ފާޅުކުރުމަށް ފުލުހުން މުޒާހަރާކޮށްފިއެވެ.
ފުލުހުންނަށް ހާއްސަކޮށްފައިވާ މައިޒާނެއްގައި ރޭ ބޭއްވި މުޒާހަރާއަށް 33000 މީހުން ހާޒިރުވި ކަމަށް އެ މުޒާހަރާ އިންތިޒާމް ކުރި ފުލުހުންގެ ޖަމިއްޔާއިން ބުނެފައި ވެއެވެ. އެމުޒާހަރާއަށް ހާރިޒުވީ ކުރީގެ ފުލުހުންނާއި މިހާރުގެ ފުލުހުންނެވެ.
މުޒާހަރާ އިންތިޒާމްކުރި ޖަމިއްޔާއިން ބުނެފައި ވަނީ ޖަލަށްލާފައިވާ ފުލުހުންގެ ދެމީހުން ، އެމީހުންނަށް އައިސްފައިވާ ހުކުމް އިސްތިއުނާފުކޮށް، އެމީހުންގެ ނަން ސަލާމަތް ކުރުމަށް އެޖަމިއްޔާއިން އެހީތެރިވާނެ ކަމަށެވެ.
ހޮންކޮން ފުލުހުން ކުރި މުޒާހަރާގެ ބައިވެރިން ގޮވާފައި ވަނީ " އިންސާފު ހޯދުމަށް" ހަނގުރާމަ ކުރުމަށެވެ. ފުލުހުން މުޒާހަރާ ކުރުމަކީ ހޮންކޮންގައި ވެސް އަދި ދުނިޔޭގައި ވެސް ވަރަށް މަދުން ހިނގާ ކަމެކެވެ.
ހޮންކޮން ފުލުހުންގެ ހަތް މީހުން ޖަލަށް ލުމަށް އެގައުމުގެ ކޯޓަކުން މިދިޔަ ހަފްތާގައި ހުކުމް ކުރީ މުޒާހަރާއެއްގެ ތެރެއިން ހައްޔަރު ކުރި، އިޖުތިމާއީ ހަރަކާތްތެރިއެއް ކަމަށްވާ ކެން ސޭންގެ ގައިގައި ތަޅައި އަނިޔާ ކުރިކަމުގެ ކުށް ސާބިތުވެގެންނެވެ. މުޒާހަރާގެ ތެރެއިން ސޭން ނެރެގެން ގެންގޮސް، ބިންމަތީގައި ބާއްވައިގެން އޭނާއަށް އަނިޔާ ކުރި މަންޒަރު ، ހޮންކޮންގެ ބައެއް ޓީވީ ސްޓޭޝަންތަކުގެ ކެމެރާތަކަށް ވަނީ ރެކޯޑް ކުރެވިފައެވެ. އާއްމު ގޮތެއްގައި މީހުންނާ ރީތިކޮށް މުއާމަލާތް ކުރާ ހޮންކޮންގް ފުލުހުންގެ ފަރާތުން އެ އަމަލު ފެނުމުން އެތަނުގެ ރައްޔިތުންނަށް އޭރު ސިހުން ލިބުނެވެ. -- ބީބީސީ
ހޮންކޮން ފުލުހުން މުޒާހަރާ ކުރަނީ. ފޮޓޯ: ބީބީސީ