މަޝްހޫރު ފިލްމީ ތަރި މަރިޔަމް ނިޝާ ވެރިކަން ކުރާ ކޯލިޝަންގައި ހިމެނޭ މައި ޕާޓީ -- އެމްޑީޕީއަށް ސޮއިކޮށްފި އެވެ.
ނިޝާ އެމްޑީޕީއަށް ސޮއިކޮށްފައި މިވަނީ ވެރިކަން ކުރާ ކޯލިޝަންގައި ހިމެނޭ ޖުމްހޫރީ ޕާޓީއަށް ސޮއި ކުރިތާ ދެ މަސް ވެސް ނުވަނީހެވެ.
ނިޝާ ޖުމްހޫރީ ޕާޓީއަށް ސޮއި ކުރީ މިދިޔަ ސެޕްޓެމްބަރު 18 ވަނަ ދުވަހު އެވެ.
އެމްޑީޕީއަށް ނިޝާ ސޮއި ކުރި ސީދާ ދުވަހެއް ނޭނގެ އެެވެ. ނަމަވެސް އެމްޑީޕީގެ ޗެެއާޕާސަންގެ ނައިބް އިބްރާހީމް ވަހީދު ކުރެއްވި ޓްވީޓެއްގައި ވިދާޅުވީ ނިޝާ އެމްޑީޕީ އަށް ސޮއިކޮށްފައިވާ ކަމަށެވެ.
އިބްރާހީމް ވަހީދު ވަނީ ނިޝާގެ މެންބަޝިޕް ފޯމާ ހަވާލުވެ އެ ފޮޓޯ ވެސް ޓްވީޓް ކުރައްވާފަ އެވެ.
ރާއްޖޭގެ ފިލްމީ ދާއިރާގައި 90ގެ އަހަރުތަކާއި 2000ގެ އަހަރުތަކުގެ އެންމެ ކުރީކޮޅު އެންމެ ވިދާލި ފިލްމީ ތަރިއަކީ ނިޝާ އެވެ.
ނިޝާ ޖޭޕީ ދޫކޮށް އެމްޑީޕީ އަށް ސޮއި ކުރި ވަކި ސަބަބެއް އޭނާ ބުނެފައެއް ނުވެ އެވެ.