ގަލޮޅު ދަނޑުގައި އިއްޔެ ހަވީރު ހިންގި މާރާމާރީއާ ގުޅިގެން މިހާތަނަށް މީހަކު ހައްޔަރު ނުކުރާ ކަމަށް ފުލުހުން ބުނެފި އެވެ.
ގަލޮޅު ދަނޑުގައި އިއްޔެ ހަމަނުޖެހުން އުފެދުނީ ދެވަނަ ޑިވިޝަން ފުޓްބޯޅަ މުބާރާތުގައި ކުޑަހެންވޭރާއި ވިކްޓަރީ ކުޅުނު މެޗުގެ ފަހު 10 މިނެޓް ތެރޭގަ އެވެ.
ރެފްރީގެ ނިންމުމަކާމެދު ހިތްހަމަނުޖެހި ދަނޑަށް އެރި ސަޕޯޓަރުން ވަނީ ވިކްޓަރީގެ ކޯޗު ސޮބާހް މުހައްމަދުގެ މޫނު މަތީގައި ޖަހާ އަނގަމަތި ފަޅާލައިފަ އެވެ.
ހަމަނުޖެހުން ކޮންޓްރޯލްކުރަން ދަނޑަށް އިތުރު ފުލުހުންވެސް ވަނެވެ.
ފުލުހުން ވަނީ ދަނޑުގައި އިއްޔެ ހިންގި ހަމަނުޖެހުން ތަހުގީގު ކުރަމުންދާ ކަމަށް ބުނެފަ އެވެ.