އިރާންގެ އިންތިހާބީ ރައީސް މަސްއޫދު ޕަޒަސްކިޔާންއަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ތަހުނިޔާ ވިދާޅުވެއްޖެ އެވެ.
އެކްސްގައި ރައީސް މުއިއްޒު ކުރެއްވި ޕޯސްޓުގައި އީރާނުގެ އިންތިހާބީ ރައީސްގެ ލީޑަޝިޕްގައި ރާއްޖެއާއި އީރާނާ ދެމެދު އޮތް ގުޅުން އިތުރަށް ބަދަހިކުރެއްވުމަށާއި އެކުގައި މަސައްކަތް ކުރެއްވުމަށް އުއްމީދު ކުރައްވާ ކަމުގައި ވިދާޅުވެފައިވެ އެވެ.
ރައީސް މުއިއްޒު ވަނީ އިންތިހާބީ ރައީސް ޕެޒެޝްކިއާންގެ ދައުރުގައި އީރާނާއި އެ ސަރަޙައްދަށް ކުރިއެރުމާއި ތަނަވަސްކަމުގެ އިތުރުން ސުލްހަމަސަލަސްކަން ގާއިމުކުރެއްވުމަށް ކާމިޔާބީއަށް އެދިވަޑައިގެންފަ އެވެ.
އިރާންގައި ރައީސަކު ހޮވަން ބޭއްވި އިންތިހާބު ޕަޒަސްކިޔާން ކާމިޔާބުކުރެއްވީ 16.3 މިލިއަން ވޯޓުންނެވެ. އޭނާއާ ވާދަކުރެއްވި ސައީދު ޖަލީލީއަށް ލިބިވަޑައިގަތީ 13.5 މިލިއަން ވޯޓެވެ.