ޖަޕާންގެ ގާނޫނު ހަދާ މަޖިލީހުގެ މެންބަރަކު ރާއްޖޭގައި މަރުވެއްޖެ އެވެ.
ޖަޕާންގެ މަޖިލިސް މެންބަރު ޓޮޝިޔުކި އަޑާޗި މަރުވީ ޅ. އަތޮޅުގެ ރިސޯޓެއްގައި ސްނޯކްލިން އަށް ގޮސް އުޅެނިކޮށް އިއްޔެ ހެނދުނުގެ ވަގުތެއްގައެވެ.
އުމުރުން 70 އަހަރުގެ މަޖިލިސް މެންބަރު ރާއްޖޭގައި މަރުވެފައިވާ ކަމަށް ޖަޕާންގެ ބައެއް ނޫސްތަކުގައިވެސް ރިޕޯޓްކޮށްފައިވެ އެވެ.
ޓޮޝިޔުކި އަޑާޗި ނިސްބަތްވަނީ ޖަޕާންގައި ވެރިކަން ކުރާ ލިބަރަލް ޑިމޮކްރެޓިކް ޕާޓީ (އެލްޑީޕީ) އަށެވެ.
ޖަޕާންގެ ގާނޫނު ހަދާ މަޖިލީހުގެ މެންބަރަކު ރާއްޖޭގައި މަރުވި މައްސަލައިގައި ދިވެހި ސަރުކާރުގެ އެއްވެސް އިދާރާއަކުން އަދި އެއްވެސް އެއްޗެއް ނުބުނެ އެވެ.