ނުކުޅެދުންތެރިކަން ހުންނަ މީހުން އަމިއްލައަށް އުފައްދާ ތަކެތި ވިއްކައި ޕްރޮމޯޓްކުރުމަށް ބާއްވާ "ރެދަން" މައުރަޒުގައި ބައިވެރިވުމުގެ ފުރުސަތު ހުޅުވާލައިފި އެވެ.
ރެދަން މައުރަޒަކީ، ނުކުޅެދުންތެރިކަން ހުންނަ ފަރާތްތަކުން ކުރަމުން އަންނަ މަސައްކަތްތަކާއި، ތައްޔާރުކުރާ ތަކެތި ދައްކާލުމާއި އެ ތަކެތި ވިއްކުމާއި، ވިއްކާނޭ މަގު ތަނަވަސްކޮށްދިނުމާ ބެހޭގޮތުން މައުލޫމާތު ފޯރުކޮށްދިނުމުގެ ގޮތުން މުޅި ރާއްޖެއަށް ހުޅުވާލައިގެން ބާއްވާ މައުރަޒެކެވެ. އެ މައުރަޒު ބާއްވަން ނިންމާފައިވަނީ އަންނަ އޮގަސްޓު މަހު އެވެ.
ޖެންޑާ މިނިސްޓްރީން ބުނީ، މައުރަޒުގައި ބައިވެރިވުމަށް ބޭނުންވާ ފަރާތްތަކުން އަންނަ ޖޫން މަހުގެ 30 ވަނަ ދުވަހުގެ ކުރިން އެ މިނިސްޓްރީއަށް ފޯމް ހުށަހެޅުމަށެވެ. މާލެ ނޫން ރަށްރަށުން ފޯމް ހުށަހަޅާން ޖެހޭނީ އެ ރަށެއްގެ ރަށު ކައުންސިލަށް ކަމަށެވެ.
ރެނދަން މައުރަޒަކީ ތަރުހީބު ލިބޭ މައުރަޒެކެވެ. މިދިޔަ އަހަރު ކުރިއަށް ގެންދިޔަ މި މައުރަޒުގައި ނުކުޅެދުންތެރިކަން ހުންނަ ފަރާތްތަކުން ޖުމްލަ 700 އަށްވުރެ ގިނަ އުފެއްދުންތައް ދައްކާލާފައިވެ އެވެ.
މިދިޔަ އަހަރު އެ މައުރަޒުން އެއްވަނަ ހޯދި މާހިރު އާ އިނާމު ހަވާލުކުރަނީ.-- އަވަސް ފޮޓޯ: އަހްމަދު ޝުރާއު