ފުުލުހުން އެރުމުގައި މަޝްހޫރު ހާދިސާތަކެއް ހިނގާފައިވާ ކުޑަކުޑަ އާބާދީއެއް އޮންނަ އއ. ހިމަންދޫއަށް ރޭ ކުއްލިއަކަށް ފުލުހުން އެރީ ކޯޓް އަމުރާ ހިލާފަށް ބައްޕައަކު، މަންމައަށް ދަރިފުޅު ފޮރުވައިގެން އުޅޭ މައްސަލައެއްގަ އެވެ. ރޭ ފުލުހުން އެރަށަށް ދިޔައިރު އެމީހާ ހުރީ ދަރިފުޅު ގޮވައިގެން އެރަށުގެ ކޮންމެވެސް ތަނެއްގައި ފިލައެވެ.
ފުލުހުން މިއަދު ބުނީ ދަރިފުޅު ގޮވައިގެން ފިލި ބައްޕަ މިހާރު ފެނިފައިވާ ކަމަށާއި ނަމަވެސް އަދިވެސް ހުކުމް ތަންފީޒު ނުކުރެވޭ ކަމަށެވެ. ސުލްހަވެރިކަމާއެކު ކުއްޖާ އޭނާގެ މަންމައާ ހަވާލުކުރުމަށް ކުއްޖާގެ ބައްޕައާއި ތަކުރާރުކޮށް ފުލުހުން ވާހަކަ ދައްކާފައިވީ ނަމަވެސް އޭނާ ވަނީ ހުކުމާ އެއްގޮތަށް އަމަލު ކުރަން ދެކޮޅުހަދާފަ އެވެ.
"ސުލްހަވެރިކަމާއެކު ހުކުމް ތަންފީޒުކުރުމަށް އޭނާ އާ ދެކެވުނު ވާހަކަތަކަށް ފަހުވެސް އެއްބާރުލުމެއް ލިބިފައިނުވޭ، އޭނާ ވަނީ ހުކުމާ އެއްގޮތަށް ދަރިފުޅު މަންމައާ ހަވާލުކުރުމަށް ދެކޮޅު ހަދާފައި،" ފުލުހުން ބުންޏެވެ.
މިދިއަ މަހުގެ 14 ވަނަ ދުވަހު ފެމިލީ ކޯޓުން ދަރިފުޅުގެ ބައްޕަގެ މައްޗަށް ހަތް ދުވަހުގެ ތެރޭ ކުއްޖާ މަންމައާ ދަރިފުޅު ހަވާލުކުރަން ހުކުމެއްކޮށްފައިވެ އެވެ. ނަމަވެސް ހަތް ދުވަސް ވީއިރު ވެސް ކުއްޖާ ހަވާލުކޮށްފައެއް ނުވެއެވެ. އެ ހުކުމް ތަންފީޒު ކުރަން ފުލުހުންގެ ޓީމަކުން އެރަށަށް ދިޔައީ ޖެންޑަ މިނިސްޓްރީން މައްސަލަ ހައްލުކުރުމަށް ކުރި މަސައްކަތް ނާކާމިޔާބުވެގެން ކަމަށް ވެއެވެ.
އއ ހިމަންދޫ --