އިބްރާހިމް ނާސިރް އިންޓަނޭޝަނަލް އެއާޕޯޓް (އައިއެންއައިއޭ) އިން 13 މިލިއަނަށްވުރެ ގިނަ ރުފިޔާ ވަގަށްނަގަން އުޅުނުކަމަށް ތުހުމަތުކުރެވުނު ތިން މީހެއްގެ މައްޗަށް ޕްރޮސެކިއުޓާ ޖެނަރަލްގެ އޮފީހުން ދައުވާ އުފުލައިފި އެވެ.
ފުލުހުން މިއަދު އަވަސް އަށް ވިދާޅުވީ މިއަހަރުގެ ކުރީކޮޅު އައިއެންއައިއޭ އެއާޕޯޓުން ގިނަ އަދަދެއްގެ ފައިސާ ވަގަށް ނަގަން އުޅުނު ކަމަށް ތުހުމަތު ކުރެވުނު ތިން މީހަކަށް ދައުވާ އުފުލާފައިވާ ކަމަށެވެ. އެ ތިން މީހުންގެ މައްޗަށް ވެސް އުފުލާފައިވަނީ ވައްކަންކުރަން ރޭވުމުގެ ކުށުގެ ދައުވާ އާއި ރަސްމީ ވާޖިބު އަދާކުރުމުގައި އެކަށީގެންނުވާ އަމަލެއް ހިންގުމުގެ ކުށުގެ ދައުވާ އެވެ.
އެ މައްސަލަ ކްރިމިނަލް ކޯޓަށް ފޮނުވާފައި ވަނީ މިދިޔަ މަހުގެ 14 ވަނަ ދުވަހު އެވެ. އެ ތިން މީހުން މިހާރު ތިބީ ގޭބަންދަށް ބަދަލުކޮށްފައެވެ.
އިބްރާހިމް ނާސިރް އިންޓަނޝަނަލް އެއާޕޯޓް: އެތަނުން 13 މިލިއަނަށްވުރެ ގިނަ ރުފިޔާ ނަގަން އުޅުނު ތިން މީހެއްގެ މައްޗަށް ވަނީ ދައުވާ ކޮށްފައި --