އަންނަ ޖުލައި މަހު މާލޭގައި ބާއްވަން ހަމަޖެހިފައިވާ ހަތަރުވަނަ އިސްލާމީ ފޯރަމްގައި ބައިވެރިވެވަޑައިގެންނެވުމަށް މަދީނާ ޔުނިވަސިޓީގެ ހަދީސް ފެކަލްޓީގެ އިސް ޕްރޮފެސަރު ޝައިހް ޑރ. އަބްދުﷲ ބިން އަބްދުއްރަހީމް އަލް ބުހާރީ ރާއްޖެ ވަޑައިގަންނަވަން ހަމަޖެހިފައިވާ ކަމަށް މަކްތަބް ސަލަފިއްޔާ އިން ބުނެފި އެވެ.
އެ ޖަމިއްޔާ އިން އަވަސް އަށް ވިދާޅުވީ އަންނަ ޖުލައި މަހުގެ 15 އިން 21އަށް މާލޭގައި ބާއްވާ އިސްލާމީ ފޯރަމްގައި ބައވެރިވުމަށް ޝައިހް ބުހާރީ ރާއްޖެ ވަޑައިގަންނަވާ ގޮތަށް މިހާރު ހަމަޖެހިފައިވާ ކަމަށެވެ. އެބޭފުޅާ ރާއްޖެވަޑައިގަންނަވަނީ މަކްތަބާ ސަލަފިއްޔާގެ ފަރާތުން އަންނަ ޖުލައި މަހު 15 އިން 21 އަށް ބޭއްވުމަށް ހަމަޖެހިފައިވާ "ހަތަރުވަނަ ދަވްރާ އިލްމިއްޔާ" ގައި ބައިވެރިވެވަޑައިގަތުމަށް ކަމަށެވެ.
ދެހާސްތޭރަ ވަނަ އަހަރުވެސް ޝައިހް ވަނީ މަކްތަބާ ސަލަފިއްޔާގެ ދައުވަތަކަށް ދިވެހި ރާއްޖެއަށް ވަޑައިގެން އިމާމް އަހްމަދުގެ އުސޫލުއް ސުންނާ އަދި އިމާމް އަލްބުހާރީގެ ސަހީހުގެގެ ކިތާބުލް އިލްމު ގެ ބައެއް ޝަރަހަ ކޮށްދެއްވާފައެވެ. އަދި 2014 ވަނަ އަހަރުގައިވެސް ދިވެހި ރާއްޖެއަށް ވަޑައިގެން އިލްމީ ދަވްރާއެއް ބާއްވަވާ އިލްމީ ފޮތްތައް ޝަރަޙަ ކޮށްދެއްވާފައިވެ އެވެ.
