ވިލާ ގޭހުން ވިއްކާ ކައްކާ ގޭހުގެ އަގު ހެޔޮ ކޮށްފި އެވެ. އަގު ހެޔޮކޮށްފައިވަނީ 10 ކިލޯ ފުޅީގަ އެވެ.
ވިލާ ގޭހުން، 10 ކިލޯގެ ގޭސްފުޅި މީގެ ކުރިން ވިއްކާފައިވަނީ 210ރ. އަށެވެ. ދިހަ ރުފިޔާ އަގުހެޔޮކުރުމާއެކު މިހާރު އެކުންފުނީގެ 10 ކިލޯގެ ގޭސް ފުޅިއެއް ވިއްކާނީ 200ރ. އަށެވެ.
ވިލާއިން ބުނީ ގޭހުގެ އަގަށް ބަދަލު ގެނައީ ބާޒާރުގައި މުދަލުގެ އަގު ހުރިގޮތަށް ބަލައި، ކަސްޓަމަރުންނަށް ހެޔޮ އަގުގައި ގޭސް ފޯރުކޮށްދިނުމުގެ ގޮތުން ކަމަށެވެ.
ވިލާ ގޭހުގެ ދިހަ ކިލޯ ފުޅިތައް އަގު ހެޔޮކޮށްފައިވާއިރު މޯލްޑިވް ގޭހުން ވެސް ވަނީ އެކުންފުނިން ވިއްކާ ދިހަ ކިލޯގެ ގޭސްފުޅީގެ ވެސް އަގުހެޔޮކޮށްފަ އެވެ.
