އަންލިމިޓެޑް ކޯލް އަދި އެސްއެމްއެސްގެ އިތުރުން ޑޭޓާ ލިބޭ ޕޯސްޓްޕެއިޑް ޕެކޭޖްތަކެއް އުރީދޫ އިން ތައާރަފްކޮށްފި އެވެ.
އުރީދޫން މިއަދު ތައާރަފް ކޮށްފައިވަނީ ޕޯސްޓްޕެއިޑް ޕްރީމިއަމް 1499 އާއި 1999 އެވެ. އެއީ ވިޔަފާރީގެ ބައިވެރިންނާއި އެނޫން ވެސް އަބަދު މުއާމަލާތް ކުރަންޖެހޭ ޕްރޮފެޝަނަލް މަސައްކަތް ކުރާ ފަރާތްތަކަށް ފަސޭހަ ޕެކޭޖްތަކެއް ކަމަށް އުރީދޫން ބުންޏެވެ.
އުރީދޫން މިއަދު ބުނީ، ޕޯސްޓްޕެއިޑް ޕްރީމިއަމް 1499 އާއި 1999 ނެގުމުން 4ޖީ ނެޓްވޯކުގައި ބޭނުންކުރުމަށް ޕޯސްޓްޕެއިޑް ޕްރީމިއަމް 1499 އާ އެކު 25 ޖީބީ، އަދި 1999 އާ އެކު އަން ލިމިޓެޑް ޑޭޓާ ލިބޭނެ ކަމަށެވެ. އަދި ރާއްޖޭގެ ހުރިހާ ލޯކަލް ނަންބަރުތަކަށް އަންލިމިޓެޑް ކޯލް ކުރެވޭނެ ކަމަށެވެ.
ޕޯސްޓްޕެއިޑް ޕްރީމިއަމް 1499 އާ އެކު 5000 އެސްއެމްއެސް ހިލޭ ލިބޭއިރު، ޕޯސްޓްޕެއިޑް ޕްރީމިއަމް 1999 އާ އެކު އަންލިމިޓެޑް އެސްއެސްއެސް ލިބޭނެ އެވެ.
އުރީދޫން ބުނީ، އެ ކުންފުނީގެ އަމާޒަކީ ކަސްޓަމަރުންނަށް ބޭނުންވާ ފައިދާތައް ލިބޭ ހިދުމަތެއް ފޯރުކޮށްދީ އެކަންކަމުގެ އުފާ ކަސްޓަމަރުންނަށް ހޯދައިދިނުން ކަމަށެވެ. އަލަށް ތައާރަފްކުރި ޕެކޭޖްތަކަކީ މެދު ނުކެނޑި ކޯލް، އެސްއެމްއެސް އަދި ޑޭޓާ ބޭނުންކުރަން ބޭނުންވާ ކަސްޓަމަރުންނަށް ހާއްސަކޮށްގެން ނެރުނު ޕެކޭޛްތަކެއް ކަމަށެވެ.
މިއަދު ތައާރަފްކުރި ޕެކޭޖްތަކާއެކު، އުރީދޫ ޕްރިޕެއިޑް ބޭނުންކުރާ ކަސްޓަމަރުންގެ ތެރެއިން ވެސް ޕޯސްޓްޕެއިޑަށް އަޕްގްރޭޑްކުރަން ބޭނުން ކަސްޓަމަރުންނަށް ވެސް މި ޕެކޭޖްތައް ލިބޭނެ ކަމަށް އުރީދޫން ބުންޏެވެ. އަދި އެ ފަރާތްތަކަށް އަލަށް ތައާރަފްކުރި ޕޯސްޓްޕެއިޑް 299 އާއެކު ލޯކަލް ނަންބަރުތަކަށް ގުޅުމަށް 15،00 މިނިޓް، އަދި 500 އެސްއެމްއެސްގެ އިތުރުން 1ހީބީގެ ހިލޭޑޭޓާ ހިލޭ ގުޅޭ އެއް ނަންބަރާއެކު ލިބޭނެ ކަމަށާއި، އިހުތިޔާރުކުރާ އެއް ގައުމަކަށް 50 ޕަސެންޓް ޑިސްކައުންޓް ލިބޭނެ ކަމަށް ވެސް އުރީދޫން ބުންޏެވެ.