ނޮވެލްޓީ ބުކްޝޮޕްގެ ބުކް ފެއާ އަންނަ ބުރާސްފަތި ދުވަހު ފަށަން ތައްޔާރު ވެއްޖެ އެވެ.
ނޮވެލްޓީން ބުނީ މިމަހުގެ 28ން އަންނަ މަހުގެ 7 ވަނަ ދުވަހަށް ކުރިއަށް ގެންދާ މި ބުކް ފެއާ ބޭއްވުމަށް ހަމަޖެހިފައިވަނީ އާޓް ގެލަރީގައި ކަމަށެވެ. ފެއާގައި 10 ޕަސެންޓާއި 70 ޕަސެންޓާ ދެމެދުގެ އަދަދަކަށް ފޮތާއި ސްޓޭޝަނަރީ އައިޓަމް ތަކުން ޑިސްކައުންޓްވެސް ލިބިގެންދާނެ ކަމަށް ނޮވެލްޓީން ބުންޏެވެ.
ނޮވެލްޓީން ފެއާގައި ބައިވެރިވެ 100ރ. އިން މަތިން ވިޔަފާރިކުރާ ކޮންމެ ފަރާތަކަށް ކޫޕަނެއް ލިބިގެންދާނެ ކަމަށްވެސް ނޮވެލްޓީން ބުންޏެވެ. އަދި ގުރުއަތުން ހޮވޭ ނަސީބުވެރި ފަރާތަކަށް 11،111.11 ޑޮލަރު ދިނުމަށް ހަމަޖެހިފައިވާ ކަމަށްވެސް ނޮވެލްޓީން ބުންޏެވެ.
ނޮވެލްޓީ ބުކްޝޮޕުން 100ރ. އިން މަތީގެ ވިޔަފާރި ކުރާ ފަރާތްތަކަށް މިހާރުވެސް "ބުކް މަނީ" ދެމުންދާ ކަމަށާއި ކޮންމެ ބުކް މަނީ އަކީ ފަސް ރުފިޔާ ކަމަށް ނޮވެލްޓީން ބުންޏެވެ. އަދި ބުކް މަނީ ބޭނުން ކޮށްގެން ފެއާއިން އެއްޗެހި ގަތުމުގެ ފުރުސަތު އޮންނާނެ ކަމަށާއި އަދި ކުރިއަށް އޮތް ތަނުގައި ނޮވެލްޓީ ބުކްޝޮޕުން ވެސް އެއްޗެހި ގަތުމުގެ ފުރުސަތު އޮންނާނެ ކަމަށެވެ.
"ނޮވެލްޓީ ބުކްޝޮޕުން މިހާރު ދަނީ ގިފްޓް ވައުޗާވެސް ދެމުން، މީހަކަށް ހަދިޔަލެއް ދިނުމަށް އެ ގިފްޓް ވައިޗާ ބޭނުން ކުރެވިދާނެ، އެއަށްވާ ވަރަށް ފެއާއިން އެއްޗެހި ގަނެވޭނެ،" ނޮވެލްޓީން ބުންޏެވެ.
ކޮންމެ އަހަރަކުވެސް ނޮވެލްޓީ ބުކްޝޮޕުން ބާއްވާ ފެއާ މިފަހަރުވެސް ވަރަށް ގިނަ ފޮތްތަކެއް ލިބެން ހުންނާނެ އެވެ. އެގޮތުން ކުޑަކުދިންގެ ފޮތާއި ބޮޑެތި މީހުންނަށް ހާއްސަ ފޮތްތަކާއި ދިވެހި ފޮތްތަކުގެ އިތުރުން ކިޔެވުމަށް ބޭނުންވާ ގިނަ ފޮތްތައް ލިބެން ހުންނާނެ އެވެ.