ފުވައްމުލައް ސިޓީ ކައިރިން ސޯމާލިއާ ބަޔަކު އަތުލައިގަނެފި އެވެ.
އެމްއެންޑީއެފް އިން ބުނި ގޮތުގައި ސޯމާލިއާ މީހުން ކަމަށް ޝައްކުކުރެވޭ ތިން މީހުން ތިބި ޑިންގީ ފެނިފައިވަނީ ފުވައްމުލައް ސިޓީ ހުޅަނގު އުތުރުން 10 ވަރަކަށް މޭލު ބޭރުންނެވެ.
ފުވައްމުލައް ބޭރުން ޝައްކުކުރެވޭ ޑިންގީއެއް ފެނުމުން އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑު ފޯތު ސްކޮޑްރަންގެ ހާބަ ޕެޓްރޯލުން އެ ސަރަހައްދަށް ގޮސް ވަނީ އެ ޑިންގީ ކޯސްޓްގާޑުގެ ބެލުމުގެ ދަށަށް ގެނެސްފަ އެވެ.
އެ ޑިންގީއަކީ ސޯމާލިއާގެ މީހުން ބޭނުންކުރާ ވައްތަރުގެ "ސްކިފް" އެއް ކަމަށްވެސް އެމްއެންޑީއެފް އިން ވަނީ ބުނެފަ އެވެ.
މި ޑިންގީ އެމްއެންޑީއެފް ކޯސްޓްގާޑުގެ ބެލުމުގެ ދަށުން ފުވައްމުލަކު ސިޓީ ބަނދަރަށް ވައްދައި، ފުލުހުންނާ ހަވާލު ކުރުމުގެ މަސައްކަތް ކުރަމުންދާ ކަމަށްވެސް އެމްއެންޑީއެފް އިން ވަނީ ބުނެފަ އެވެ.
މިކަމާ ގުޅޭ ގޮތުން ފުލުހުން ބުނީ ކަނޑުމަތިން ބެހިގެން ދިޔަ ކަމަށް ބެލެވޭ ސޯމާލިއާ ބަޔަކު މިއަދު ފުވައްމުލަކަށް ގެނެސްފައިވާތީ ހަރަކާތްތެރިވަމުންދާ ކަމަށެވެ