ހައުސިން މިނިސްޓްރީގައި އަލިފާން ރޯވުމާ ގުޅިގެން ކައިރި ހިސާބުތަކުގައި ދިރިއުޅޭ މީހުންނަށް ހާއްސަކޮށްގެން ސޯސަލް ސެންޓަރުގައި އިމަޖެންސީ އިވެކުއޭޝަން ސެންޓަރެއް ހަދައިފި އެވެ.
ހައުސިން މިނިސްޓްރީގައި ރޯވުމާ ގުޅިގެން ކަމާ ގުޅޭ އިދާރާތަކުން ވަނީ އެ ސަރަހައްދުގައި ދިރިއުޅޭ ރައްޔިތުންގެ ސަލާމަތާއި ރައްކާތެރިކަމަށްޓަކައި ގެތަކުން ނިކުތުމަށް އިލްތިމާސްކޮށްފަ އެވެ.
އަލިފާނުގެ ބޮޑެތި ހާދިސާތަކާ ގުޅިގެން އާންމުންގެ ރައްކާތެރިކަމަށްޓަކައި ކައިރި ގެތަކުގައި ދިރިއުޅޭ މީހުން އަބަދުވެސް އެ ސަރަހައްދަކުން ހުސްކުރެ އެވެ.
ނެޝަނަލް ޑިޒާސްޓާ މެނޭޖުމަންޓް ސެންޓަރު (އެންޑީއެމްއޭ) އިން ބުނީ އަލިފާނުގެ ހާދިސާއާ ގުޅިގެން އެއްވެސް ފަރާތަކުން އެހީތެރިކަމެއް ބޭނުންވާނަމަ 115 އަށް ގުޅުމަށް އެދޭ ކަމަށެެވެ. އަދި އިވެކުއޭޝަން ސެންޓަރުން އެހީތެރިކަން ފޯރުކޮށްދޭނެ ކަމަށްވެސް ބުންޏެވެ.
އިވެކުއޭޝަން ސެންޓަރުގައި މިވަގުތު ތިބި މީހުންގެ ސީދާ އަދަދެއް އަދި ސާފުވާ ގޮތެއް ނުވެ އެވެ.
އަލިފާން ރޯވީ ހައުސިން މިނިސްޓްރީއާއި ކޮންސްޓްރަކްޝަން މިނިސްޓްރީ އާއި އެންވަޔަރަންމަންޓް މިނިސްޓްރީ އަދި މާލޭ ސިޓީ ކައުންސިލްގެ އޮފީހެއް ވެސް ހިންގަމުންދާ އިމާރާތެއް ގައެވެ.