ޗާންދަނީމަގުގައި ހުންނަ އެމްޑީޕީގެ ހަރުގެއަށް ބަޔަކު ކަޅުތެޔޮ ޖަހައިފި އެވެ.
އެމްޑީޕީގެ ހަރުގެއަށް ކަޅުތެޔޮ ޖަހާފައި ވަނީ ރޭ ދަންވަރު އެވެ. ނަމަވެސް އެކަން ކުރީ ކޮން ބައެއް ކަމެއް ނޭނގެ އެވެ.
ހަރުގެއަށް ކަޅުތެޔޮ ޖަހާފައި މިވަނީ ޕީއެންސީއަށް މެންބަރު އިތުރުކުރަން ސައްހަ ނޫން ފޯމު ފުރި ކަމަށް ބުނާ މީހުންގެ ފޮޓޯތަކެއް އެމްޑީޕީގެ ހަރުގޭގެ ބޭރުގައި ހަރުކޮށްފައި ވަނިކޮށެވެ. ކަޅުތެޔޮ ޖަހާފައިވަނީ އެ އެ ފޮޓޯތަކަށެވެ.
އެމްޑީޕީ ހަރުގެއަށް ކަޅުތެޔޮ ޖެހުމުން އެ ސަރަހައްދުގައި ފުލުހުން ހަރަކާތްތެރިވާ މަންޒަރު ފެންނަ ފޮޓޯތަކެއް ސޯޝަލް މީޑިއާގައި އާންމުވެފައި ވީނަމަވެސް މިކަމާ ގުޅޭ ގޮތުން ފުލުހުންގެ ބަހެއް އަދި ނުލިބެ އެވެ.
އެމްޑީޕީ ހަރުގެއަށް ކަޅުތެޔޮ ޖަހާފައިވާއިރު އެޕާޓީން އަންނަނީ "ފުދިއްޖެ ފުނޑިއްޖެ" ނަމުގައި މިމަހުގެ 31 ވަނަ ދުވަހު މާލޭގައި ހިނގާލުމެއް ބޭއްވުމަށްވެސް ތައްޔާރުވަމުންނެވެ.