ރާއްޖޭގެ ބޭންކިން ނިޒާމާއި މާލީ ޚިދުމަތްތައްދަނީ ފަންނިއްޔާތުގެ ރޮނގުން ތަަރައްގީވެފައިވާ ގައުމުތަކާ އެއްހަމަ ކުރަމުންނެވެ. ނަމަވެސް، ގުދުރަތީގޮތުން ރާއްޖެ އުފެދިފައިވާ ގޮތުން، ރާއްޖޭގެ އެކި ކަންކޮޅުތަކުގައި ކުދި ޖަޒީރާ ރަށްތަކުގައި މި ހިދުމަތަށް އެދިއެދި ތިބި ރައްޔިތުންނަށް މާލީ ހިދުމަތްތައް ފޯރުކޮށް ދިނުމުގަައި ދަތިތަކެއް އެބަހުއްޓެވެ. އެއީ ބޭންކުގެ ޒަރީއާ އިން ނުވަތަ އެހެން ވެސް މާލީ ނިޒާމަކާ ގުޅުން ހުރި ހިދުމަތެއް ވިޔަސްމެއެވެ.
ކާމިޔާބު މާލީ ދާއިރާއެއް ނުވަތަ މާލީ ނިޒާމެކޭ ބުނެވޭނީ އޭގެ ފައިދާ ހިދުމަތް ލިބިގަންނަން ބޭނުންވާ ކޮންމެ ފަރާތަކަށް ވެސް ލިބުމުގެ ފުރުސަތު އޮވެގެންނެވެ. އަދި އެ ނިޒާމެއްގައި ފަސޭހަކަމާއެކު ބައިވެރިވުމުގެ ފުރުސަތު ހުރިހާ ފަރާތްތަކަށް ވެސް ތަނަވަސްވެފައި އޮތުމުންނެވެ. ރާއްޖޭގެ މާލީ ނިޒާމުގެ މިއަދުގެ ހާލަތަށް ބަލާއިރު މި ކަންތައްތައް އެންމެ ފުރިހަމަ މިންވަރަށް ފަހިވެފައިނުވާކަމީ ހަގީގަަތެވެ. އެހެންކަމުން، މި ހަގީގަތުން އަރައިގަނެ މާލީ ނިޒާމުން ފޯރުކޮށްދެވޭ ވަސީލަތްތަކުގެ ތެރެއިން އަރުތަވެރި ދިރިއުޅުމެއްގެ ހުވަފެން ދެކެމުން އަންނަ އެންމެހައި ރައްޔިތުންނަށް މާލީ ގޮތުން ލިބެންހުރި މި ހިދުމަތްތައް ފަސޭހަކަމާއެކު ފޯރުކޮށްދެވޭނެ ނިޒާމެއް ގާއިމުވުން މުހިއްމެވެ. އެހެންކަމުން، މާލީ ނިޒާމުގައި ލިބެންހުރި ހިދުމަތްތައް ހަމަހަމަ ގޮތެެއްގައި، އެއަށް ބޭނުންވެފައިވާ ކޮންމެ ފަރާތަކަށް ފަސޭހަކަމާއެކު ލިބޭނެ މަގު ތަނަވަސްކޮށްދޭން ވަނީ ޖެހިފައެވެ.
އެހެންކަމުން، މި ހަގީގަތުން އަރައިގަނެ މާލީ ނިޒާމުން ފޯރުކޮށްދެވޭ ވަސީލަތްތަކުގެ ތެރެއިން އަރުތަވެރި ދިރިއުޅުމެއްގެ ހުވަފެން ދެކެމުން އަންނަ އެންމެހައި ރައްޔިތުންނަށް މާލީ ގޮތުން ލިބެންހުރި މި ހިދުމަތްތައް ފަސޭހަކަމާއެކު ފޯރުކޮށްދެވޭނެ ނިޒާމެއް ގާއިމުވުން މުހިއްމެވެ. އެހެންކަމުން، މާލީ ނިޒާމުގައި ލިބެން ހުރި ހިދުމަތްތައް ހަމަހަމަ ގޮތެެއްގައި، އެއަށް ބޭނުންވެފައިވާ ކޮންމެ ފަރާތަކަށް ފަސޭހަކަމާއެކު ލިބޭނެ މަގު ތަނަވަސްކޮށްދޭން ވަނީ ޖެހިފަ އެވެ.
މާލީ ނިޒާމުގެ ތެރެއިން ލިބެންހުރި ހިދުމަތްތަކާއި އޭގެން ލިބިދެނިވި ފަސޭހަތަކަށް އެދިއެދި ތިބި ކޮންމެ ރަށެއްގެ، ކޮންމެ ގިންތިއެއްގެ ކޮންމެ މިންތިއެއްގެ މީހަކަށް ލިބިދިނުމީ މި ނިޒާމުގެ ތެރެއިން ހަމަހަމަ ފުރުސަތުތަކެއް ތަނަވަސްވެއްޖެ ކަމަށް ބެލެވޭނެކަމެކެވެ. މި އަމާޒަށް ވާސިލުވުމަށް، މާލީ ދާއިރާގައި ހަރަކާތްތެރިވާ އިސް އިދާރާތަކުން ގުޅިގެން މަސައްކަތް ކުރުމަށްޓަކައި 2019 ވަނަ އަހަރަށް މި ވަނީ ޝިއާރެއް އެކުލަވާލާފައެވެ. އެމްއެމްއޭގެ އިސްނެގުމާއެކު މިނިސްޓްރީ އޮފް އިކޮނޮމިކް ޑިވެލޮޕްމެންޓް، މިނިސްޓްރީ އޮފް ފިނޭންސް، މޯލްޑިވްސް ޕެންޝަން އެޑްމިނިސްޓްރޭޝަން އޮފީސް އަދި ކެޕިޓަލް މާކެޓް ޑިވެލޮޕްމެންޓް އޮތޯރިޓީގެ ބައިވެރިވުމާއެކު ލޯންޗުކުރެވުނު "މާލީ ހިޚިދުމަތް ހަމަހަމަކަމާއެކު އެންމެނަށް" މި ޝިއާރަކީ އިސްވެދެންވުނު މަގްސަދު ހާސިލުކޮށް މާލީ ދާއިރާއިގައި ރައްޔިތުންގެ ބައިވެރިވުން އިތުރު ކުރުމަށް ކުރަމުން އަންނަ މަސައްކަތްތައް ބައްޓަންކުރާނެ ޝިއާރެކެވެ.
އެމްއެމްއޭގެ އިސްނެގުމާއެކު މިނިސްޓްރީ އޮފް އިކޮނޮމިކް ޑިވެލޮޕްމެންޓް، މިނިސްޓްރީ އޮފް ފިނޭންސް، މޯލްޑިވްސް ޕެންޝަން އެޑްމިނިސްޓްރޭޝަން އޮފީސް އަދި ކެޕިޓަލް މާކެޓް ޑިވެލޮޕްމެންޓް އޮތޯރިޓީގެ ބައިވެރިވުމާއެކު ލޯންޗުކުރެވުނު "މާލީ ހިދުމަތް ހަމަހަމަކަމާއެކު އެންމެނަށް" މި ޝިއާރަކީ އިސްވެދެންވުނު މަގްސަދު ހާސިލުކޮށް މާލީ ދާއިރާއިގައި ރައްޔިތުންގެ ބައިވެރިވުން އިތުރު ކުރުމަށް ކުރަމުން އަންނަ މަސައްކަތްތައް ބައްޓަންކުރާނެ ޝިއާރެކެވެ.
މި ޝިއާރުގެ ދަށުން މާލީ ދާއިރާގެ ސިޔާސަތުތަކާއި މަސައްކަތްތައް މައިގަނޑުގޮތެއްގައި އަމާޒު ކުރެވޭނީ މާލީ ދާއިރާގެ ހިދުމަތް ފޯޯރުކޮށްދިނުމުގައި ހިދުމަތް ހޯދާ ފަރާތްތަކުގެ ރާއްކާތެރިކަން ކަށަވަރުކޮށް، ހިދުމަތްތަކަށް އާންމުން އަހުލުވެރިކުރުވުމަށާއި، އެންމެނަށް ފަސޭހަވާނޭހެން މާބޮޑު ބުރައެއް އުފުލުމެއްނެތި އަދި ހިދުމަތް ހޯދުމުގައި ބޮޑު ހަރަދެއް ކުރަން ނުޖެހި މި ހިދުމަތްތަށް ހޯދުމުގެ މަގު އާންމު ރައްޔިތުންނަށް ފަހިވެގެންދާނެ ގޮތަކަށެވެ.