ސްރީލަންކާގެ 74 ވަނަ މިނިވަން ދުވަހުގެ ތަހުނިޔާ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ފޮނުއްވައިފި އެވެ.
ރައީސް ވަނީ ދުވަހުގެ ތަހުނިޔާ ލަންކާގެ ރައީސް ގޯތަބަޔާ ރާޖަޕަކްސާ އަށާއި ބޮޑުވަޒީރު މަހިންދަ ރާޖަޕަކްސާ އަށް ފޮނުއްވާފަ އެވެ.
ރައީސްގެ މެސެޖުގައި ލަންކާގެ ރައްޔިތުން ސިފަކުރައްވާފައިވަނީ ދިވެހި ރައްޔިތުންގެ އާއިލީ ބައެއް ފަދަ ގާތްގުޅުމެއް އޮތް ބައެއްގެ ގޮތުގަ އެވެ.
ސްރީލަންކާގައި މިނިވަން ދުވަހުގެ ގޮތުގައި ފާހަގަކުރަނީ ފެބްރުއަރީ 4، 1948 ވަނަ އަހަރު އިނގިރޭސީން އެ ގައުމަށް މިނިވަންކަން ދިން ދުވަހާ ގުޅުވައިގެންނެވެ.
ރާއްޖެ އާއި ލަންކާ އަކީ އަބަދުވެސް ގާތްގުޅުންތަކެއް ބާއްވަމުން ގެންދާ އެކުވެރި ދެ ދައުލަތެވެ.
ލަންކާގައި 2019 ވަނަ އަހަރު ބޭއްވި މިނިވަން ދުވަހުގެ ރަސްމިއްޔާތު ޝަރަފްވެރިކޮށްދެއްވެވީ ވެސް ރައީސް އިބްރާހީމް މުހައްމަދު ސޯލިހެވެ.