ދިވެހި ސިފައިންގެ ހުރިހާ އުޅަނދުތަކާއި ވެހިކަލްތައް އިންޝުއަރެންސް ކޮށްދޭނެ ފަރާތެއް ހޯދަން އަނެއްކާވެސް އިއުލާނުކޮށްފި އެވެ.
ފިނޭންސް މިނިސްޓްރީން ބުނީ މިނިސްޓްރީ އޮފް ޑިފެންސްގެ އެދުމަކަށް އެމްއެންޑީއެފްގައި ބޭނުންކުރާ އެއްގަމާއި ކަނޑުގެ އުޅަނދުފަހަރުތައް އިންޝުއަ ކޮށްދޭނެ ފަރާތެއް ހޯދަން ބޭނުންވާ ކަމަށެވެ.
މި ޕްރޮޖެކްޓުގެ ބިޑް ސެކިޔުރިޓީގެ ގޮތުގައި 90،000ރ. ހުށަހަޅަން ޖެހެ އެވެ. އަދި ބިޑް ސެކިޔުރިޓީގެ މުއްދަތަކީ ބިޑް ހުޅުވާ ތާރީހުން ފެށިގެން 148 ދުވަހެވެ. އިންޝުއަރެންސް ދޭން ކުރިމަތިލާ ކުންފުންޏެއްގެ ރައުސުލްމާލު ވޭތުވެދިޔަ ތިން އަހަރު ތެރޭގައި ނުވަ މިލިއަން ރުފިޔާގައި ހުންނަން ޖެހެ އެވެ.